Lulzim Basha sqaron protestën e nesërme: “Me paratë e drogës do të blejnë deputetë dhe ministra. Kryeministri përgjegjës. Të largohet”

Kryetari i Partisë Demokratike ka sqaruar sot përmes një interviste në Top-Channel objektivat dhe synimet e portestës së nesërme. “Propozimi ynë për daljen nga kjo situatë është që personi i identifikuar si përgjegjës, Edi Rama, të largohet”, tha Basha, që ka shpjeguar edhe rrezikun që sipas tij përfaqëson rritja e trafikut të narkotikëve për stabilitetin politik të Shqipërisë. “Vetëm sasitë e kapura në periudhën janar-prill kanë një vlerë prej rreth 300 milionë eurosh. Po sasitë e pakapura? Ku shkojnë gjithë këto lekë? Me këto lekë do blejnë deputetë, ministra, policë, etj. Ky është një mësim i hidhur i mafias së drogës, jo vetëm në Shqipëri por kudo tjetër”, tha ai. Basha mendon se protesta nuk cenon marrjen e statusit në qershor duke nënvizuar se PD-ja është opozitë që lobon për vendimin pozitiv të BE-së. Paralelisht me protestën e nesërme, zhvillohet tanimë edhe një grevë urie që duket se plotëson skenografinë politike të kundërshtimit të qeverisë.

http://www.top-channel.tv/artikull.php?id=278449

s.z