Lubonja shkruan rreth grevës (nuk harron opozitën) dhe pyet: Mos vallë më mirë të mos ekzistojë fare pluralizmi?

Si përherë në kërkim të një 'argumenti të ri' Lubonja, edhe në situata si greva e urisë së ish-të burgosurve të diktaturës: "Janë thënë shumë gjëra për këtë grevë dhe nuk dua të përsëris argumente që i kam shkruar apo thënë edhe vetë më parë, - shkruan ai në një opinion të botuar sot në të përditshemn Panorama, ku pasi ribën një kronikë të shpejtë të grevës në paragrafin e parë,  shkruan më pas më së shumti për politikën dhe politikanët: "E kam fjalën për fenomenin e kalimit të politikanëve tanë nga regjistrat e indiferentizmit tek ata të konfliktualitetit të ndezur, pa u ndalur fare në atë që duhet të jetë terreni i vërtetë i politikës: zgjidhja e problemeve të qytetarëve,- shkruan ai.
Kalimin nga muri i heshtjes së indiferentizmit, te zhurma e konfliktualitetit,- Lubonja e konsideron me të drejtë si "rruga më e mirë për të shmangur përgjegjësitë". Më tej, ai nuk harron edhe paragrafin e zakonshëm për opozitën, ku megjithë mëtimin fillestar për argumente të reja, në këtë pikë, argumenti është ai i stërpërdoruri i "tetë vjet në pushtet e ka shpërfillur ekzistencën e kësaj shtrese". Madje Lubonja e sheh te opozita detyrimin për të ulur bashkë grevistët me qeverinë. "Deri tani së paku –  asnjë përpjekje serioze dhe bindëse për të ulur përfaqësuesit e saj me ata të maxhorancës për të gjetur një rrugëdalje" - shkruan ai për opozitën.  
Dhe e mbyll, ndër të tjera me: "Të vjen të mendosh: a mos vallë më mirë të mos ekzistojë fare pluralizmi në një kulturë ku kundërshtari politik ekziston thjesht e vetëm për të justifikuar dështimin tënd, për të shkarkuar përgjegjësinë tënde dhe e jo për të gjetur zgjidhjet më të mira për hallet e njerëzve?". - (A.N.)

Lubonja i plotë: http://www.panorama.com.al/2012/10/15/greva-e-ish-te-burgosu...

Foto LSA: Forca të policisë, përpara një grupi ish-të përndjekurish, sot përpara godinës së Kuvendit të Shqipërisë