LSI dhe/ose analistët e majtë në një diversion pro Bashës në luftë për kreun e PD???

Kjo është teza e Sokol Olldashit, që ka akuzuar dje nga Lushnja, LSI-në dhe analistët e majtë se po përpiqen të bëjnë diversion me garën për kryetar të PD-së.

Jo veëtm kaq, por siç raporton Dita, Olldashi akuzon LSI se janë dy herë vjedhës – parash kur ishin ME PD dhe votash kur ishin KUNDËR PD.  

 “Ka  një përpjekje të tmerrshme nga vektorë të majtë, brenda shtypit shqiptar. Po ti shikoni takëmet e analistëve, të cilët nuk gjëjnë kurrë asgjë, janë të njëjtët që e luftuan me të gjithë breshërinë  e tyre Partinë Demokratike, para zgjedhjeve. Janë të njëjtët që tani po përpiqen të bëjnë diversion. Janë të njëjtët që na vodhën votat me paratë e pista që vodhën gjatë pushtetit tonë, të cilët po përpiqen të ndërhyjnë në këtë proces. Në Lushnjë, Berat dhe gjetkë ka një përpjekje të qartë edhe nga segmente të LSI-së për të ndërhyrë në këtë proces. Mbajini larg!”, tha Olldashi.

Ëshët e kotë ta pyesësh në këto momente se pse këto “njohuri” dalin pikërisht tani, dhe pse partia që qeverisi 8 vjet nuk aktivizoi kurrë asnjë mekanizëm për të luftuar vjedhjet e dyfishta.

k.c.