Llalla për Zërin e Amerikës: Hetimet për vrasjen e Santos janë intensive, kemi disa pista
Në një intervistë për seksionin shqip të Zërit të Amerikës, Prokurori i Përgjithshëm, Adriatik Llalla tha se hetimet për vrasjen e bankierit Artan Santo janë intensive.
Sipas tij, në process hetimi janë shumë të dhëna që kanë shtuar dyshimet për qëllimin pse u vra biznesmeni Santo.
Llalla tha se hetimet po kryhen në bashkëpunim të ngushtë me policinë e shtetit, shërbimin informativ shtetëror dhe institucione të tjera.
Kreu i organit të akuzës shtoi se pistat e hetimit janë të gjithanshme dhe se përgjigjet për autorët e mundshëm dhe qëllimin e vrasjes së bankierit do të jepen në vazhdim të procesit.
Prokurori i Përgjithshëm u pyet edhe për hetimet për vjedhjen e Bankës së Shqipërisë duke sqaruar se po shqyrtohen të gjitha të dhënat për destinacionin e parave të vjedhura.
l.m
Add new comment