Le Pen: “Ka një shpërthim demografik në botë. Ebola do ta zgjidhte problemin për 3 muaj”

Nëse Maltusi konstatoi një realitet në ligjësinë njerëzore të rritjes demografike, Zhan Mari Le Pen është paraqitur si arsyeja politike instrumentale e tij. Sipas tij “ka një shpërthim demografik në botë dhe një rrezik përmbytjeje njerëzore. Zëvendësimi i popullsive nacionale është në proces”. Si i duhet bërë që të përballohet kjo gjendje ankthi? Praktika e Hitlerit duket si e vjetëruar dhe me kosto, ndaj Le Pen propozon se një epidemi e ebolës do të zgjidhte çështjen. “Ebola do ta zgjidhte problemin në tre muaj”, ka thënë ai të martën në Marsejë. Mediat raportojnë se “establishmenti politik francez është tronditur”, ndërkohë që Le Pen pritet të bëhet edhe anëtar i Parlamentit Europian. Si mund t’i ketë ardhur në mendje kjo ide? Ndoshta sepse së fundmi në Guine ka rënë Ebola (Ethet Hemorragjike) duke vrarë 83 njerëz dhe për herë të parë kosntatohet se virusi ka kaluar kufijtë mes vendeve. Pra ka “udhëtuar”.

http://www.telegraph.co.uk/news/worldnews/europe/france/10847344/Jean-Ma...

s.z