Lajmi shock: Shefi i Komisariatit të Shijakut qëllohet për vdekje! Një shifër kryeministrore mbi krimin... Dhe një tweet i Ramës

Mediat vijojnë të japin detaje këtë mbrëmje mbi ngjarjen e rëndë të vrasjes së shefit të komisariatit të policisë së Shijakut, Adem Tahiraj.

Është një lajm në proces përditësimi, por raportimi është i njëjti në të gjitha sitet e informacionit. Panorama, Tema, Shqip, Shqiptarja.com, Mapo, Shekulli, Balkanweb, e versionet online të televizioneve informojnë se ngjarja ka ndodhur rreth orës 18.00 në Sukth (Shqiptarja.com saktëson fshatin Rrushkull të komunës Sukth), se policia e Shijakut, nën drejtimin e shefit të tyre, kanë qenë në një operacion kontrolli në kërkim të një personi, se Adem Tahiraj është qëlluar nga brenda një makine, të cilën e kishin ndaluar për ta kontrolluar, se mbi të është shtënë me breshëri automatike, se plumbat kanë kapur dhe dy persona të tjerë, të cilët kanë marrë plagë e për të cilët nuk jepen të dhëna të tjera. Nuk dihet nëse mbi shefin e komisariatit ka qëlluar njeriu që kërkohej, apo dikush tjetër. Të gjitha detajet e deritanishme kanë dalë nga një burim, që nuk ka dashur të identifikohet. Policia nuk ka folur ende mbi këtë ngjarje të rëndë. Ndonjë nga mediat ka hedhur dyshime se ka qenë një atentat mbi kryekomisarin, një 49 vjeçar me origjinë nga Tropoja (në rreth në foto) i martuar dhe baba i dy vajzave.

Situata e rendit publik e ka sfiduar rëndë kohët e fundit optimizmin qeveritar, veçan atë të kreut të qeverisë. Në seancën e fundit të Asamblesë Parlamentare të Këshillit të Europës, në Bruksel Berisha iu përgjigj interesimit të anëtarëve të kësaj Asambleje mbi çështje të ndryshme, mes të cilave për situatën e krimit dhe gjakmarrjes. Tha Berisha mes të tjerave: “...Më lejoni t’ju jap një statistikë, kur erdhëm në pushtet në vitin 2005, popullata e burgjeve tona ishte 1.800 persona, tani është 5 mijë dhe niveli i kriminalitetit është më i ulët se mesatarja e vendeve të BE..”

Duket se i ndjeri ka qenë i njohur i shefit të opozitës. Në dy mesazhe në Tweeter, Edi Rama sapo ka shkruar: “Adem Tahirin e kam njohur dhe ishte nje djale nga ata qe i quajme "zotni"! Ngushellimet me te ndjera per familjen e miqte ne Tropoje e kudo. Vrasja e Adem Tahirit alarm bucites per epersine qe ka marre krimi mbi shtetin dhe pasigurine e kudondodhur ne gjithe territorin e vendit”. - Re.Pu.

Detaje mbi ngjarjen:
http://www.top-channel.tv/artikull.php?id=242178
Citimi i Berishës nga:
http://www.km.gov.al/index.php?fq=brenda&m=news&lid=16625
Citimi i Ramës nga:
http://twitter.com/ediramaal