Kush është përgjegjës për vjedhjen e pikturave të Mios?

Ish-përgjegjësi i Galerisë ‘Guri Madhi’ në Korçë, Sotiraq Xega, ka thënë të vetën lidhur me zhdukjen pa nam e nishan të 61 veprave, 27 prej të cilave janë të Vangjush Mios. Sipas Xegës, veprat kanë hyrë e kanë dalë nga Galeria pa asnjë kontroll e procesverbal; fjala vjen, autorët i kanë marrë ato në shtëpitë e tyre sa herë kanë dashur për të bërë ndërhyrje restauruese. Pyetjes që mund të lindë në këto rrethana, se pse Bashkia e Korçës nuk e merrte përsipër restaurimin e këtyre veprave, Xega i jep këtë përgjigje, paksa me ironi: “Nuk kanë përballuar dot pagesat e restauratorëve, që shkonin deri në 150 euro/copë. Prandaj ata kanë rënë dakord që autorët t’i merrnin veprat në shtëpi, e ta bënin vetë restaurimin.”

Por me veprat e Mios është tjetër histori, sidoqoftë. “Ato nuk janë marrë për restaurim”, thotë Xega. “Ato janë vjedhur. Dhe të vjen çudi se si nuk ka dorëheqje, apo vënie nën akuzë.”

Re.Pu.