Kryeprokurori i ri "punë e kryer". Dhe një listë e kandidatëve sipas shtypit

Shkarkimi i Ina Ramës është bërë me sa duket fakt i kryer. Siç ishte paralajmëruar Presidenti i Republikës, Bujar Nishani do të zhvillojë të martën takimet konsultative me krerët e grupeve parlamentare për postin e kryeprokurorit të ri. Ne njoftimin per shtyp te Presidences theksohet se keto takime kane per qellim "evidentimin e vlerave me te mira qe perfaqeson figura e ardhshme e kreut te akuzes, si nje pozicion i rendesishem ne sistemin e drejtesise".
Organizimi do te jete i njejte me ate te meparshmin per daten e zgjedhjeve. Takimi i pare do te jete ai i ores 10.00 me kreun e grupit parlamentar demokrat Astrit Patozi. Ne 11 me ate socialist Ruçi, ne 12 me Lefter Koken e LSI e keshtu me radhe me 60 minuta diference edhe me Fatmir Mediun, Vangjel Dulen e Shpetim Idrizin. Serish ne keto takime nuk do te jete pjese Fryma e Re Demokratike, e cila perfaqesohet ne Kuvendin e Shqiperise me Gazmend Oketen - njoftojnë mediat.
Këto të fundit kanë lakuar edhe emra të ndryshëm gjatë këtyre ditëve. Një listë me emrat që sipas shtypit po lobohen për vendin e Ina Ramës është më poshtë:

Sandër Simoni - kryetar i komandur i Gjykatës së Krimeve të Rënda
Altin Dumani - prokuror i Apelit në Tiranë
Ivi Kaso - drejtor i agjencisë së antikorrupsionit pranë kryeministrisë dhe avokat i Berishës në Gjykatën e Lartë në disa procese
Admir Thanza - gjyqtar
Adnor Shameti - Universiteti "Justiniani"
Altin Shegani - dekan i Fakultetit të Drejtësisë
Hysni Demiraj - gjyqtar
Neshat Fana - anëtar i KLD-së
Erinda Ballanca - Avokate e Berishës në disa procese në Gjykatën e Lartë
Dritan Peka - prokuror, djali i Ambasadorit të Shqipërisë në Kinë
Shkëlzen Selimi - gjyqtar