Kryebashkiaku francez tredhet dhe vritet për shkak të dyshimeve për tradhëti

Kryebashkiaku i një fshati në Francën veriperëndimore është tredhur dhe më pas është vrarë nga bashkëshorti xheloz i gruas me të cilën ai dyshohet se kishte lidhje. 

Dominique Leboucher, 55 vjeç, u vra mbrëmjen e së enjtes nga një burrë që e akuzonte për një lidhje jashtëmartesore, thanë burimet e policisë për agjensinë e lajmeve AFP.

Autori i krimit është Albert Ginot, një pensionit që ka shërbyer 22 vjet si këshilltar.

Leboucher, një ish-punonjës sigurimesh, u zgjodh si kryetar bashkie i Bretteville-le-Rabet në Normandi të Francës në muajin mars, raportojnë mediat lokale. Ai u bë këshilltar në vitin 2001, shkruan gazeta franceze, “Ouest-France”. 

Një nga zëvendësit e Leboucher tha për AFP-në se, nuk e besonte teorinë për pabesinë bashkëshortore të kryebashkiakut, duke shtuar se sulmi ishte “një akt çmendurie”. Ndërkohë, hetimi i policisë po vazhdon.

http://www.france24.com/en/20140523-french-mayor-castrated-killed-jealous-husband-normandy/

S.S