Kritika në PD, por nuk po dëgjohen kritika të kritikave

Pas intervistave televizive të Mark Markut e të Selami Xhepës, të cilët kanë nënvizuar disa kritika ndaj mënyrës se si funksionon maxhoranca e PD-ja, nuk janë parë reagime të fajkonjve të Berishës. Gazetarët kanë tentuar me siguri të flasin me deputetë apo eksponentë të PD-së (është gjëja që bëjnë gjithnjë në raste të tilla), e të marrin qëndrimin e tyre lidhur me qëndrimin e Markut/Xhepës, por çfarë kanë marrë është heshtja. Asnjë zë nuk është ndjerë nga PD-ja. Asnjë kritikë për kritikat e dëgjuara, të cilat janë të forta. Ka pasur një reagim, por ka ardhur në mënyrë të pazakontë nga një zyrtare, nga Grida Duma, zv.ministre, e cila ka shkruar një artikull me titull ‘Individi Mark kundër deputetit Marku’, i publikuar në Panorama (por me gërma shumë të vogla).

Me sa duket, Berisha vetë s’e ka ende të qartë se ç’qëndrim duhet të mbajë në këto rrethana. Në momentin që do ta ketë të qartë, do t’i lëshojë të vetët të flasin.

M.N.