Kosovë, gjuetia e shtrigave ndaj Kryeparlamentarit Krasniqi, vazhdon

“’Prerje kokash në PDK’, Hashim Thaçi dhe servilët mprehin shpatën për tja prerë edhe Jakup Krasniqit...” Ky është titulli me të cilin gazeta kosovare Bota Sot komenton lëvizjet e fundit në Kosovë. Sipas gazetës ka nisur të fryjë furtuna e Hashim Thaçit për të vënë në kontroll Parlamentin. Madje, parashikon edhe zhvillime dramatike në parlamentin e Kosovës në ditët në vijim. Do të jenë anëtarët e partisë së vet, që po përpiqej të heqin Jakup Krasniqin nga posti i Kryeparlamentarit. Betaja me sa duket do të përqendrohet në gjetjen e 80 votave për shkarkimin e Jakup Krasniqit nga ky post. Në krye të kësaj beteje, është vetë Hashim Thaçi, pasi dhe përgjimet e para disa kohëve e tregonin qartë urrjetjen e tij ndaj anëtarit të partisë së vet, aq sa përdorte edhe termin “Jakupovski”. Bota Sot beson që “blerja” e votave për shkarkim po bëhet me të tëra mënyrat, aq saqë ngre dyshimin se edhe një vizitë në Seul të Koresë ësëht programuar e tillë, që Thaçi, në vizitë në këtë vend, të merrte me vete edhe deputetin Hydajet Hyseni, thjesht sa për të siguruar votën në parlament.

kc