Korrupsionit duhet t'i dalësh me gjoks përpara (nga fjala e Topallit për Llallën)

Kryetarja e Kuvendit, Jozefina Topalli  foli sot në "një takim fundviti me gazetarët" për zgjedhjen e Adriatik Llallës në krye të Prokurorisë së Përgjithshme. Dhe ja si e komentoi ajo votën e saj në atë seancë:

“Jam e sigurt se prokuroria e lexoi mirë qëndrimin tim. Është një qëndrim për të bërë një betejë ndaj korrupsionit pa kompromis. Të mos kthehen në instrumenta politikë, të hapin të gjitha dosjet. Është betejë e rëndësishme dhe do burra, do shtyllë kurrizore. Ti dalësh me gjoks përpara. S’ka gjë më të rëndësishme se lufta ndaj korrupsionit. Ndaj për ne në Shqipëri është ftesë, thirrje, është kërkesë, është detyrë e tyre, betejë kundër krimit, ta kthejë në vepra është kërkesë dhe ky ishte qëndrimi im”. (a.th.)

Në foto: Kryetarja e Kuvendit gjatë një takimi me Volfgang Grossruck