Kemi arritur në derexhenë që policia flet për "grevë politike"...

Ashtu siç pritej, deklarata e mbrëmshme e Avokatit të  Popullit që ndalimi i ilaçeve, lëngjeve dhe serumeve të  kërkuara nga të ish-burgosurit politikë  në  grevë urie  është  akt degradues çnjerëzor dhe vepër penale e atij që ia ka dhënë  këtë  urdhër policisë, - solli sot sulmin e radhës, edhe ndaj këtij institucioni. Në  një  deklaratë  të  drejtorisë  së  policisë  së  Tiranës, kundër Avokatit të  Popullit bie menjë herë  në  sy termi "grevë  politike".
"Avokati i Popullit nuk duhet të manipulohet nga kjo grevë politike. I bëjmë apel këtij institucioni të respektojë integritetin e tij dhe të mos bjerë pre e kësaj greve politike dhe të kërkojë ndjesë" - thuhet në  deklaratën e policisë  cituar nga BalkanWeb.

Policia deklaroi disa ditë më parë se ishte aty për të  parandaluar akte të  tjera të  vetëflijimit (dhe kjo duket e drejtë) Por, siç shprehen grevistët, - policia po bën të kundërtën; duke ndaluar lëngjet dhe serumet, po i çon grevistët në një  pikë kritike për jetën, në mënyrë që minimaliht të dërgohen në  spital (dhe më  pas të  mos lejohen, po nga policia të  rikthehen në  grevë). Tentohet kështu në mënyrë dinake një shuarje e ngadaltë të saj për të shmangur me çdo kusht dialogun e kërkuar nga të katër anët. A.N.

Foto: Nje nga koordinatoret e greves se urise, i arrestuar pak dite me pare. policia tha se nuk ka asnje motiv politik ne kete arrestim (LSA)