A kanë lidhje krimet ordinere me ndjeshmërinë e qeverisjes?

Në lidhje me krimet sociale të kohëve të fundit, Kosta Bajraba kërkon përmes një editoriali tek Shqip që shteti të mbajë përgjegjësinë e vet. “Është anormale që ndërsa të gjithë shqiptarët shprehnin zemërimin për tragjedinë e Ajshes ... Kryeministri fliste me hipokrizi për gratë sipërmarrëse dhe nuk pamë t’i dridhej zëri për fatin e kësaj vajze të re, e cila mund të bëhej një ditë sipërmarrëse, mjeke apo edhe Kryeministre” shkruan Bajraba.

“Publiku nuk ka parë asnjë ministër, pale Kryeministrin apo shtetarët e tjerë të lartë, të shprehin indinjatën e tyre ndaj zinxhirit të krimeve, të cilat shpesh kapërcejnë imagjinatën normale dhe arrijnë në kufijtë e llahtarisë. Kjo ndodh për shkak se, për mentalitetin qeverisës në Shqipëri, jeta e përditshme e qytetarëve, sidomos çështjet individuale apo familjare, dhe qeverisja nuk kanë asnjë lidhje.”

Kultura e pandëshkueshmërisë nuk ka lindur nga mbrojtja që shtetarët i bëjnë vetes, por nga toleranca e pafalshme ndaj krimit.

“Muaj të tërë para zgjedhjeve, qeveria bllokon grantet e ndihmës për zona të tëra dhe e “hap rubinetin” në javën e zgjedhjeve. Përdorimi i programeve sociale për të imponuar sjelljen votuese nuk është një gabim pa dashje... Ky krim, duke u drejtuar kundër njerëzve të varfër, drejtohet më parë kundër vetë shtetit. Por shteti ynë nuk mund ta kuptojë këtë, sa kohë që qëllimi i termit qeverisës nuk është jeta e qytetarëve.” e mbyll analizën e vet Barjaba

Shkrimi i plotë: http://www.top-channel.tv/artikull.php?id=244954