Ka zgjedhur të shantazhojë ndërkombëtarët - thotë Lubonja për Berishën
Lidhur me “nacionalizmin” e papritur të S.Berishës dhe përgjigjen e pyetjes ç’qëndron pas termit “albanofobi”, Fatos Lubonja mbështet tezën e shantazhit. Në opinionin e tij në të përditshmen Panorama, Lubonja shkruan ndër të tjera: “Më duhet të them se nuk e kam parë të artikuluar në shtyp dhe as që e kam nga mendja ime, por që qarkullon nëpër tryeza diplomatësh prej nga e kam dëgjuar edhe unë. Sipas kësaj hipoteze, deklaratat e Berishës u drejtohen pikërisht ndërkombëtarëve, jo shqiptarëve. Shkurt, i lodhur apo zhgënjyer me ndërkombëtarët që ia refuzojnë statusin – që do të thotë ta pranojnë kështu siç është – ai ka zgjedhur t’i shantazhojë ata: ju nuk doni të më pranoni në Europë, atëherë unë kaloj në planin B dhe ju krijoj probleme më të mëdha nga ç’mund ta mendoni. Pra, sipas kësaj hipoteze, termin “albanofobia” ai e ka përdorur jo thjesht për të përshkruar frikën e vendeve fqinje ndaj shqiptarëve, por edhe frikën e Europës për të pranuar shqiptarët në gjirin e saj. Është një hipotezë që, në një farë mënyre, është edhe pasqyrë e frikërave europiane. Nëse do t’i besojmë kësaj hipoteze, nuk mund mos të të shkojë në mendje se ai ka dashur, në një farë mënyre, të imitojë Kryeministrin turk Erdogan, i cili, i lodhur edhe ai me pritjen e pranimit të Turqisë, ka ca kohë që flet për “islamofobi” dhe kërkim alternativash të reja ndaj asaj europiane. (Grupi i Shangait)”
Lubonja analizon më pas çfarë mund të ndodhë me një Shqipëri që shkëputet nga projekti europian dhe bubrron për të gjetur mbështetje politike dhe ekonomike te shtete me standarde demokratike më të ulëta: “Mund t’u shërbejë vetëm qëllimeve të errëta pushtetesh jodemokratike e mund të çojë edhe në aventura nacionaliste. Duket një aventurë e pamundur, por, edhe në qoftë e mundur, s’do të ishte tjetër veçse një reminishencë e së kaluarës së errët të Enver Hoxha, kur ky, për pushtetin e tij, izoloi shqiptarët duke i lënë kaq prapa – thotë ai.
E plotë:
http://www.panorama.com.al/2013/02/26/cqendron-pas-termit-al...
Comments
E cfare ka te keqe ketu
<p>E cfare ka te keqe ketu z. Lubonja? Europa ka kaq e kaq vite qe tallet me ne duke na bere presione nga me te ndryshmet, duke fituar me miliona euro nga ne dhe kur them qe fiton miliona euro nga ne dua te them per ata qindra gjoja specialiste te huaj qe gjoja japin asistence shtetit shqiptar a thua se ne nuk marrim vesh nga asgje dhe qe marrin rroga maramendese ne kuadrin e ndihmes teknike. Juve dhe nje pjese tjeter mbase ju duket e gabuar ky presion i Berishes karshi nderkombetareve por mua jo sepse se pari une jam dhe do te jem kundra hyrjes ne europe dhe arsyeja me e madhe pse jam kundra eshte katastrofa qe po ndodh ne europe me ekonomine dhe sistemin bankar.Ne te vetmen pike qe nuk jam i mendimit me Berishen eshte se duhet ta perdori kete presion jo per te hyre ne europe por per fuqizimin e ekonomise shqiptare dhe per rritjen e dinjitetit te shqiptareve kudo ku ndodhen. Vetem atehere kur ne do te kemi nje ekonomi te forte dhe nje dinjitet po ashtu te forte , vetem atehere ne do te jemi gati per te hyre ne europe dhe biles do te jete ajo qe do te na lutet. Lufta sot behet per tregje dhe duke pare se ne nuk disponojme asgje dhe duke pasur nje ekonomi ku vetem konsumohet dhe jo prodhohet atehere ne jemi nje popull ku jemi te destinuar qe te varemi nga te tjeret. Vetem duke ulur taksat. duke dhene kredi me interesa te ulta nga vete shteti dhe jo nga bankat vrastare duke hequr monopolet dhe duke hequr doganen per eksportet besoj se vetem atehere ne do te mund te rimekembim kete ekonomi dhe te behemi faktore.</p>
Bravo prandaj thonë se
<p>Bravo prandaj thonë se Shqiptari e ka çarë rugën e historisë me shpatë në dorë edhe një herë bravo</p>
Add new comment