A ka qenë Berisha vërtet në atë gjyq? Ose historia 10-vjeçare mes k/ministrit dhe koordinatorit Tufa të grevës së urisë
Shoshori?!! Kush është ky? ... Për këtë person që thoni, shikoni njëherë se mos nuk është i dënuar fare". Njeriu që flet është Sali Berisha, kryeministër i Republikës së Shqipërisë. I sapo kthyer nga Forumi Ekonomik botëror në Davos, më 2 shkurt 2009, Berisha dha një përgjigje të llojit të vet për një nga akuzat më të rënda që i janë bërë gjatë karrierës së tij politike: ka qenë dëshmitar në një gjyq politik që dënoi me vdekje Hysen Shoshorin, një qytetar tiranas i akuzuar për terrorizëm, agjitacion e propagandë në 1975.
Dëshmia e Shoshorit për prezencën e Berishës në gjyqin e tij në 1975 u botua në gazetën "Plaga" organ i shoqatës së të ish të përndjekurve politikë në 22 maj 2002. Botuesi i saj ishte... Skënder Tufa (në foto), koordinatori i sotëm i grevës së urisë që prej disa ditësh është nën sulme e akuza pa fund nga vetë Berisha dhe mediat afer tij. Disa muaj pasi botoi intervistën e Shoshorit, Tufa u arrestua dhe bëri burg pas një akuze për favorizim prostitucioni.
Shkruan gazetari Lorenc Vangjeli për fatin e "Plagës" pas botimit të Shoshorit: "Tirazhi modest i saj, nuk mundi as të dalë në qarkullim, sepse u asgjësua në rrethana të dyshimta. Në atë numër Hysen Shoshori dëshmonte: "Gjatë gjykimit pashë shumë dëshmitarë që nuk i njihja...Në mendje më mbeti vetëm njëri që ishte i veçantë nga të tjerët. Trup i gjatë dhe energjik, me hap të sigurt u paraqit për të dëshmuar. Ai u ndal para trupit gjykues dhe pas formaliteteve, me një theks malësori, me eufori, filloi të flasë para trupit gjykues duke treguar se si e kishte gjetur traktin që kishte përmbajtje të theksuar armiqësore, të cilën e tundte para trupit gjykues dhe sallës: "...ky është armik i betuar i partisë, prandaj duhet varur"!
Për tiranasit e vjetër, emri Hysen Shoshori ka qenë mjaft i njohur. Ai konsiderohej si një nga mendjet më të "krisura" të kohës, krejt i vetëm, kishte vendosur të sfidonte diktaturën komuniste. Gjatë periudhës 1961 - 1974 ka shpërndarë 41 100 trakte. Në një prej tyre me një guxim që edhe sot ngjan i jashtëzakonshëm, ai arrinte deri aty sa të shkruante: "...ai njeri që ka një armë dhe nuk shtie në udhëheqësit kryesorë dhe në levat e tyre si të këshillave të lagjeve... është i lig, është frikacak, është servil..." Ky trakt mban datën 22 janar 1968.
Intervista e Shoshorit për Berishën ripa dritën e publikimit 3 vjet më parë në një emision televiziv të gazetarit Artan Hoxha. Shoshori nuk është më gjallë, kaseta e transmetuar, u dha për publikim nga botuesi i hershëm i dëshmisë në "Plaga", pikërisht Skënder Tufa, i cili përherë ka deklaruar se burgimi me akuzën e favorizimit të prostitucionit ishte një kurth i lidhur pikërisht më atë botim.
"...E vërteta është se disa prej tyre janë denoncuesit e mëdhenj të Berishës. Skënder Tufa regjistroi me kamera dëshminë e fundit të Shoshorit, i cili deklaroi në emisionin Xhungël se Sali Berisha e ka denoncuar dhe e ka çuar në burg. Pas kësaj Tufa u arrestua dhe sipas dëshmive të tij, Agron Kuliçi i ka shkuar në qeli të tërheqë denoncimin ose do ta akuzojnë për trafik femrash. Tufa po e mbron të drejtën e tij deri në Strasburg, - shton për këtë histori Mero Baze në editorialin e kësaj mbrëmje në TemA-n e tij online.
Po a ka qenë Berisha vërtet në gjyqin Shoshori? Nëse rikthehemi te deklarata me të cilën e hapëm këtë shënim, nga njëra anë është dëshmia e vetë viktimës dhe dosja voluminoze e hetimit. Nga ana tjetër, është mohimi i kryeministrit. Një mohim, që të paktën në një nga dy pikat e tij është i pasaktë: viktima Shoshori ekziston dhe është i burgosur politik. Madje, në listat e ish të përndjekurve që janë publikuar (janar 2009), emri i tij figuron me numër rendor "një" për të marrë dëmshpërblim për ditët e burgut, në masën 8 milionë lekë.
(A.N.)
Comments
Berisha ishte anetar partie ,
<p>Berisha ishte anetar partie , dhe spiunet nuk ishin anetare partie--Po ashtu Berisha ishte mik me djalin e Enverit dhe nuk besoj se nje njeri kaq prane familjes se Enverit mund te perdorej per te denuar dike si Shoshori qe ishte nje njeri i rendomte</p><p>Nuk eshte e besueshme ajo qe thote Shoshori</p><p> </p><p>Ne fund do thosha se nqs ai ishte projektuar per tu denuar , edhe nqs nuk do ishte Sala , do gjendej dikush tjeter dhe Shoshori patjeter do denohej</p><p>Edhe sikur te jete e vertete kjo qe thote SHoshori , Sala nuk fajesohet per ate kohe se Ishte koha e tille atehere , qe Diktatura vendoste per cdo gje, dhe po te mos bindeshe e pesoje, ndaj nuk kane kutpim fare keto akuza shoshoriane .... por Sala fajesohet per kete kohe ,sot.</p><p> </p><p>____-Ai duhet fajesuar per shakterimin qe i beri ekonomise shqiptare, duke ua dhene ketyre ish t epersekutuarve dhe duke na hedhur ne ruge qindra mijera shqiptare</p><p>Sala duhet fajesuar per shakterimin qe i beri Ushtrise shqiptare, Bujqesise shqiptare , Industrise ,Arsimit , Sistemit shendetsor ne fshat e qytet , Ai duhet fajesuar edhe per shitjen e detit, per gjtiha tolerimet qe i ka bere Greqise etj etj</p><p> </p><p>Pra keto jan faje te Sales per te cilat duhet te shkoje ne ndjekje penale, jo per ato qe thote SHoshori me shoke........ Por nuk ka opozite , se opozita eshte nje kelysh e bushtres greke, ndaj edhe Sala luelzon ne pushtet ..........</p>
Add new comment