Jorgo Bulo vonon, por nuk harron: i përgjigjet kryeministrit e .... sidomos Fatos Tarifës

Akademiku Jorgo Bulo i rikthehet idesë së kryeministrit, që “anglishtja të bëhet gjuha e parë e shkollave tona të larta publike”. Ai e ka skualifikuar në të nxehtë këtë ide, si “snobe, provinciale”, apo duke thënë se ata që e propozojnë dhe e mbështesin, vuajnë nga një “kompleks inferioriteti”. Një nga ata që e mbështesin është Fatos Tarifa, i cili shkruajti me atë rast një artikull polemik, në të cilin citohej për t’u hedhur poshtë dhe Jorgo Bulo. Ky i fundit i përgjigjet sot.

Bulo e fillon rëndë polemikën e tij, duke thënë se bën vaki që Tarifa mund të jetë vënë në mbështetje të kryeministrit, ngaqë e beson atë, por bën vaki edhe që kjo mbështetje të ngrihet mbi “arsye të tjera të kuptueshme në këtë botë jesmenësh e kameleonësh modernë”. Por më pas, futet në një ballafaqim idesh. Dhe jep një numër motivesh se pse gjuha shqipe duhet të jetë gjuha kryesore në shkollat e larta tonat.

1. Ideja e kryeministrit bie ndesh me kushtetutën, e cila e njeh shqipen si gjuhë zyrtare.
2. Gjuha është më e madhja pasuri shpirtërore kombëtare, dëshmi shekullore e identitetit tonë, monument madhor kulturor, ...
3. Përjashtimi nga procesi akademik në universitetet publike do ta dënonte gjuhën të mos zhvillohej, pasurohej e lëvrohej.
4. Të parët tanë, duke filluar nga Buzuku e duke ardhur te Kristoforidhi, Noli, Don Simon Filipaj, etj, u përpoqën për kombëtarizimin gjuhësor të institucioneve fetare, [dhe neve sot nuk na falet] që të ushqejmë idenë e çkombëtarizimit gjuhësor të universiteteve laike.
5. ...

Shkrimin e Bulos mund ta lexoni të plotë në versionin print të Gazetës Shqiptare, por edhe në versionin online të kësaj gazete në orët e vona të ditës së sotme (GSH-ja i hedh online në mbrëmje shkrimet e ditës).

Re.Pu.