Ismail Qemali te vila e Mehmet Shehut, Hasan Prishtina te Kafe Flora, Zogu... përballë Skënderbeut! Xhufi: Vesi përballë Virtytit

Shqiptarja.com e sotme shfaq planifikimin e vendosjes së monumenteve të etërve të pavarësisë në Tiranë. Në këtë intervistë, të marrë nga Dhurata Hamzai me drejtorin e Galerisë së Arteve Rubens Shima, merret vesh se busti i Ismail Qemalit i punuar nga Odhise Paskali do të vendoset tek lulishtja përballë Rognerit. Bëhet fjalë për një cep lulishteje bri ish-vilës së Mehmet Shehut.

Monumenti i Hasan Prishtinës, që po punohet nga Artan Peqini, pritet të vendoset te trotuari i Kafe Florës, ndërsa ai i Zogut në fund të Blv Zogu i Parë, me fytyrë nga Skënderbeu.

Por historiani Xhufi e konsideron si vënie përballë të vesit me virtytin, të satrapit përballë heroit. “Po rrëzojnë monumentet e heronjve të historisë dhe po ngrenë ato të tradhtarëve, të Esad Pashë Toptanit, dhe vetë Ahmet Zogut. Pra, për 100 vjetorin e shtetit Shqiptar për fat të keq po promovohet filozofia e denigrimit të Ismail Qemalit e Skënderbeut. Zoti Berisha po na kthen në 100 vjetorin e Zogut!” e mbyll Pëllumb Xhufi prononcimin për shqiptarja.com.

k.c.