Islami parashikon dështimin e kabinetit Rama, sepse përbëhet nga “jes-menë”

Në një shkrim te Panorama, Kastriot Islami analizon 7 arsye se pse mund të dështojë një qeveri klienteliste (që në titull, nënkuptimi është i qartë për qeverinë e re të z.Rama). Kabineti “Rama”, Islami e konsideron të përbërë nga persona të ardhur aty prej “klientelizmit ndërsa “janë përjashtuar të gjithë ata me eksperiencë qeverisëse e kontributet më të mëdha” dhe se ky kabinet “është rezultat i mungesës së sistemit të karrierës sipas kontributeve , eksperiencës e meritës dhe i aplikimit të konceptit klientelist” (me përjashtim të atyre nga LSI).

Islami i konsideron “jes-menë” (“yes” men) dhe parashikon që “secili prej tyre, burrë apo grua, “i ri” apo “i vjetër”, është zgjedhur fatkeqësisht për të qenë “jesmen” dhe, nëse kjo nuk ndodh, ai me shumë gjasa do të jetë jashtë kabinetit, madje me “rregullin” e ri të ndarjes së mandatit të deputetit nga ai i ministrit, ai do të jetë edhe jashtë politikës, pavarësisht arsyes përse është futur në kabinet apo kontributit, meritave apo aftësive individuale”

Më tej, në pikat e veta, Islami ngre disa probleme të qeverisë së re:

• Kriteri themelor i ndërtimit të qeverisë: Mungesë e plotë eksperience…
• Performanca elektorale, kontributi dhe meritat politike, të parëndësishme..
• Numri i deputetëve që i përkasin PS në 2013-n është jo më shumë se 64, pra më pak se në vitin 2009
• Performanca elektorale nuk rezulton kriter promovimi…
• Kukësi me rezultatin më të lartë elektoral dhe Shkodra me rezultat pozitiv – të papërfaqësuara në qeveri…
• Një të tretën e qeverisë e përbëjnë ministra jo-deputetë dhe ata të LSI…
• 8 kryetarë të grupeve të deputetëve në qarqe jashtë qeverisë… 

k.c.

i plotë:

http://www.panorama.com.al/2013/09/05/shtate-arsye-perse-mund-te-deshtoj...