INUK: Do të prishen edhe 800 objekte në Tiranë

Inspektoriati Urbanistik i Tiranës planifikon të nisë një “serial” të ri për prishjen e objekteve pa leje.  Dhe në të parashikohet që të prishen edhe 800 objekte të tjera. “Në qytetin e Tiranës, janë prishur 1021 objekte që kanë liruar hapësirat publike të qytetarëve. Në terren ndërkohë janë identifikuar rreth 800 objekte që do të prishen, në rrugën e Elbasanit dhe do të vazhdojë njëkohësisht në zonën e Brrakës, duke kaluar në krahun e Stacionit të Trenit, në brendësi të "Don Boskos", për të arritur më pas edhe në Laprakë", tha inspektorja Dallëndyshe Bici.

s.z