Ilir Meta ndërmjetëson sherrin Thaçi-Limaj? Po, thotë Bota Sot

Pati që atëherë zëra se arrestimi dhe kalvaret gjyqësore të ish ministrit të Transporteve dhe ish nënkryetarit të PDK-së së Thaçit, Fatmir Limaj, kanë ndodhur edhe me bekimin e Thaçit, ose i kanë leverdisur këtij të fundit. Ndërsa përplasja mes të dyve duket përfundimtare, pasi Limaj është angazhuar politikisht jashtë PDK-së, Bota Sot bën me dije se dje kryetari i Kuvendit të Shqipërisë Ilir Meta ka zhvilluar një vizitë jozyrtare në Kosovë. Kryeparlamentari shqiptar është takuar me ish-ministrin e Transportit, Fatmir Limajn në një nga restorantet e Prizrenit, thonë mediat kosovare. Ato në fakt nuk kanë patur ndonjë info konkrete për temat e takimit, por ama “duket se ka pasur një qëllim politik”: E vetmja arsye e takimit të Metës me Fatmir Limajn është ndërmjetësimi i tij për të ulur ‘tensionet’ në mes të konfliktit të hapur politik të Limajt me Hashim Thaçin.

a.k