I kërkuari Bitro flet nga fb: Kam zbatuar urdhrat e Kserës, Leskaj po hakmerret

Ekspozimi i aferave në ministrinë e Punës janë bëma “ziliqarësh e zullumqarësh”.  Kështu thotë ish shefi i kabinetit të ish ministrit Ksera, Kleves Bitro, në një prononcim të gjatë përmes facebook-ut. Ai shenjestron ish punonjësen Mimoza Dako, që paskësh bërë denoncime për abuzime financiare në prokurori për hakmarrje, pas u shkarkua, dhe më shumë akoma, kreun e Kontrollit të Lartë të Shtetit Bujar Leskaj, që i është vënë “me bukë në trastë” ministrisë në fjalë që kur ministri Ksera refuzoi të pranojë emrin e bashkëshortes së Leskajt si sekretare e përgjithshme. Mirëpo deklarata e Bitros çalon që në fjalitë e para: “Miqtë e mi të dashur, marr shkas nga zhvillimet e ditëve të fundit për të ngritur disa pyetje dhe më pas të jap edhe disa sqarime. Si është e mundur qe nje ngjarje e ndodhur ne vitin 2010 te shfaqet tani ne skenen e perditshme? A është Ministria e Punes ajo qe duhet te behet e para koke turku ne fushaten e gjoja antikorrupsionit?”

Me fjalë të tjera, “ç’dreqin patët me thërrimet tona kur të tjerët kanë bërë namin?”

Tekstin e plotë e gjeni edhe në linkun: http://www.shqiptarja.com/home/1/skandali-n--ministrin--e-pun-s-kleves-bitro-flet-nga-arratia-180956.html

a.k