Hetimi për diplomën e Bossit, Prokuroria: Provim për gjuhën shqipe

Nisja e një hetimi për dy diplomat e dhëna nga Universiteti Kristal ndaj Renzo Bossit dhe Pierangelo Moscogiurit janë minimumi që mund të bënte prokuroria shqiptare në këtë rast pasi. Lajmi për nisjen e hetimeve u dha dje, por si do të të vërtetohen apo hidhen poshtë dyshimet se Bossi Junior nuk e ka merituar dioplomën duke frekuentuar mësimin por e ka blerë? Gazeta Shqiptare shkruan sot duke iu referuar burimeve nga prokuroria se dy linjat e hetimit do të përfshijnë bërjen e një provimi në lidhje me njohuritë për gjuhën shqipe të Bossit (si mund të marrë 29 provime pa ditur shqip?!), por edhe verifikimin e listëprezencave për pjesëmarrjen në mësim të tij. Prokuroria thotë se do të kërkojë të marrë dëshminë e tij për të vërtetuar dyshimet mbi falsifikimin.

Panorama ndërkohë shkruan se ai frekuentoi Universitetin pa shkelur asnjë herë në Shqipëri. Për ccudi, në dokumentacionin e sekuestruar nga Prokuroria, vërehet se ai ka qenë një student i rregullt duke frekuentuar të gjitha lëndët!

Skandali me diplomën e të riut Bossi ka vënë në pikëpyetje të gjithë sistemin arsimor shqiptar, i cili gjatë viteve të fundit është përballur me ndryshime rrënjësore me licenca të pafundme universitetesh dhe shkollash të tjera private.

Re.Pu.