Heronjtë e luftës në Kosovë, Allbright dhe Pardew, në luftë për të privatizuar PTK-në fitimprurëse

Me titullin “Prapaskenat e pazarit politik për PTK-në” botuar sot në gazetën Zëri të Prishtinës, gazetarja Albana Xharra (e hedhur në gjyq më parë nga biznesmenë kosovarë për nxjerrjen në media të aferave të pista) sjell një realitet të trishtë të privatizimeve në tokat shqiptare.

Shkruan Xharra: “Kryeministri Hashim Thaçi po zhvillon takime sekrete me diplomatin amerikan, James Pardew, i cili po lobon që tenderin për PTK-në ta fitojë konzorciumi Avicena, mirëpo halli i shefit të Qeverisë është se si ta largojë nga loja ish-sekretaren amerikane të Shtetit, Madeline Albright.”

Diplomati amerikan Pardew gjatë periudhës 1999-2001 ka shërbyes si zëvendëskëshilltar special i ish-presidentit amerikan Bill Clinton dhe sekretar i Shtetit për Demokraci në Ballkan gjatë luftës në Kosovë, ndërsa mikja amerikane e Thaçit, Allbright, është po ashtu në garë për privatizimin e kompanisë më me fitim në Kosovë, në kuadër të konsorciumit Albright Capital Management LLC dhe Portugal Telecom.

Pra, me sa duket heronjtë e djeshëm janë kthyer për të marrë pagesën, çka i shndrron nga kalorës të lirisë në mercenarë politikë. K.C.

shkrimi i plotë: 

http://www.zeri.info/artikulli/2/8/59844/prapaskenat-e-pazarit-politik-p...