Hashim Thaçi mban një fjalim të dëshpëruar në Bled të Sllovenisë

Në Bled, në qyetin  slloven, ku u mbajt Forumi i përvitshëm Strategjik, merrte pjesë dhe Hashim Thaçi. Kish një pakënaqësi në fjalën që mbajti kryeministri i Kosovës, pakënaqësi lidhur me dështimet e vjetra e të reja të BE-së. Pse lindi konflikti në Ballkan? “Themelimi i Bashkimit Europian përmes lënies së shoqërive ballkanike jashtë tij ishte shkas plotësues për ndezjen e konfliktit të madh ish-jugosllav”, tha Thaçi. Pse ajo tragjedi zgjati një dekadë? “Qasja relativiste e këtij unioni të ri në ditët e para të agresionit dhe vrasjeve në ish-Jugosllavi [ishte një nga shkaqet]”, përgjigjet ai. Kush e mban gjallë frymën e rivalitetit në Ballkan? “Procesi shumë i ngathët dhe i vështirë i anëtarësimit të shteteve të reja ballkanike në këtë union vazhdon [ta bëjë këtë gjë]”, shprehet Thaçi.

Por përtej kësaj qasjeje disi analitike, gjuha e kryeministrit të Kosovës u bë konkrete dhe shkoi atje ku dhemb dhëmbi i kosovarëve, dmth tek fakti që këta të fundit janë të vetmit europianë që nuk mund të lëvizin pa viza nëpër Europë. I mëshoi fort këtij fakti, dhe la të kuptohet se kosovarët nuk e meritojnë një sjellje të tillë, në një kohë që serbëve u është dhënë statusi i vendit kandidat për në BE.

Fjalën e plotë të tij, në të cilën Thaçi nuk mungoi të theksonte – për shkak të politikave diskriminuese ndaj Ballkanit, apo ndaj ndonjë vendi të Ballkanit – panikun prej ringjalljes së fantazmave të nacionalizmit etnik, mund ta ndiqni në linkun: http://gazetaexpress.com/?cid=1,90,90848

Re.Pu.