Grevistët digjen se.. Shqipëria ka qenë vend komunist, - mendon Doris Pack. 21 janari? I sjell në mend 'pulën dhe vezën'

Doris Pack, europarlamentare e njohur për qëndrimet proqeveritare në Tiranë, ka dhënë një intervistë të gjatë në faqen shqip të radios gjermane Deutsche Welle, ku ka folur për statusin me kushte që sapo iu komunikua Shqipërisë. "Ka parakushte dhe njihen prej tyre me kohë, por për fat të keq muajt e fundit opozita ka refuzuar bashkëpunimin në këto çështje, - atakon ajo opozitën  që në fillim të intervistës. Më pas është kurioze të lexohet si u përgjigjet europarlamentarja në fjalë, pyetjeve mbi atë që po ndodh me grevistët e urisë në Tiranë dhe atë që ka ndodhur në 21 janar. Më poshtë, pjesë nga përgjigjet:
DW: Si shihet këtu në Perëndim fakti që pikërisht në këtë moment në Shqipëri, në një demokraci, ish-të burgosur politikë i vënë flakën vetes?
Pack: Natyrisht, ky është edhe sinjal që tregon se jo gjithçka shkon mirë në Shqipëri. Por duhet ditur (e thashë në fillim) se sa e vështirë ka qenë rruga e Shqipërisë. Ajo erdhi, gati brenda natës, nga një vend i qeverisur vërtet në mënyrë tejet komuniste në situatën ku duhej praktikuar demokracia. Dhe shumë prej gabimeve dhe padrejtësive të kryera më parë në kohën komuniste nuk janë mënjanuar ende plotësisht....
DW: Dhe për sa i takon zbardhjes së ngjarjeve të 21 janarit 2011, si gjykoni, a avancon siç duhet puna e gjykatave dhe e prokurorisë?
Pack: Qysh atëherë ajo po zvarritet, por unë jam e sigurt që në fund çështja do të zbardhet. Problemi është që situata ishte shumë e acaruar, që shumë muaj pas zgjedhjeve opozita nuk mori pjesë në qeverisje dhe organizonte vazhdimisht protesta. Dhe në kuadër të protestave të tilla masive , një proteste masive të tillë, ngjau edhe që disa vetë humbën jetën. Këtu pyetja është: Kush e ka fajin? Është disi pyetja e zinxhirit shkakor: Ç'ishte në fillim, pula apo veza? - (A.N.)
Intervista e plotë:
http://www.dw.de/dw/article/0,,16297945,00.html