Greqia në luftë me gazetarin Marin Mema të TCH – vazhdon të jetë “non grata”

Gazetari Marin Mema vazhdon të jetë “non-grata” në Greqi sepse... nuk ka pasur dokumentacion për kamerat? Kjo është përgjgija absurde e qeverisë greke kthyer përmes Zyrës Diplomatike të zv/ministrit të Jashtëm. Përgjigja nuk i është kthyer ndonjë institucioni shqiptar – në shtetin shqiptar nuk është çudi që të gëzohen, “mirë ia bënë” gazetarit të opozitës – por një deputeteje greke të Partisë Dimar, Maria Janakaqi, e cila ka kërkuar shpjegime nga ministri i Rendit publik dhe Mbrojtjes së qytetarëve për këto veprime që “bien ndesh dhe shkelin rëndë të drejtat e njeriut, lirinë e lëvizjes së lirë dhe lirinë e shprehjes. E mbi të gjitha lirinë e gazetarëve, duke e shfaqur vendin tonë, në arenën ndërkombëtare, si një shtet të frikësuar”.

Sipas TCH, në shkresën e kësaj Ministrie, thuhet: “Gazetari Marin Mema ka tentuar, që disa herë të hyjë në territorin e Greqisë për të kryer reportazhe, por pa u pajisur me bazën e nevojshme ligjore për të kaluar kamerat dhe pajisjet, gjë kjo e cila, sipas shtetit grek, e ka bërë atë person të rrezikshëm, duke i ndaluar atij hyrjen në shtetin fqinj për një periudhë të pacaktuar.”

k.c.