Gjergji Thimio “shpërthen”: Më arrestuan se Rama donte t’i jepte Onufrin tim dhuratë Blerit

Deklarata e mëposhtme është bërë në sallën e gjyqit sot, nga koleksionisti i veprave të artit Gjergji Thimio i arrestuar në kuadër të operacionit “Ikona” në tetor të vitit të kaluar:

“Akuzat ndaj meje janë trillim. Refuzova të jepja një pikturë origjinale të Onufrit. Piktura që kushtonte 1 milionë euro ma kërkoi deputeti Koço Kokëdhima, Artan Lame dhe kryeministri Edi Rama. Pikturën donin t’ja jepnin dhuratë ish-kryeministrit të Britanisë Toni Blair. Pas refuzimit tim për t’u dhënë pikturën që e kisha trashëgimi personale, u ngritën akuzat ndaj meje. Kërkoj drejtësi. Nuk jam trafikant, 2300 objekte mungojnë nga muzeu personal. Arrestimi im ka bekimin edhe të kryepeshkopit Anastas Janullatos. Ishte një operacion famëkeq, tipik banditesk, fashist, i cili u ideua në zyrat më të errëta anti-shqiptare, në zyrat sllavo-greke-ortodokse. Operacioni u drejtua nga Rama e Kokëdhima, u zbatua nga ministri i Brendshëm Tahiri dhe pati bekimin e uzurpatorit të kishave, Janullatos. Vetë Rama kur ishte Ministër Kulture hapi ekspozitë me veprat e mia”.

a.k