Gati protesta e opozitës, mbështetësit e PD-së nga rrethet janë nisur me autobuza drejt Tiranës

Mbështetës të Partisë Demokratike janë nisur drejt Tiranës me autobus për t’u bashkuar në mesditën e së shtunës në marshimin nga sheshi "Skënderbej" përpara selisë së Qeverisë. Ndërkohë, Policia e Shtetit publikoi masat që ka marr për të garantuar sigurinë në protestën e thërritur nga Partia Demokratike. Në njoftim Policia e Shtetit shprehet se është e përgatitur për të garantuar rendin dhe sigurinë publike. Drejtoria e Policisë së Tiranës thotë se duke filluar nga ora 10:00 nuk do të lejohet parkimi i automjeteve në sheshin “Skënderbej”, Bulevardin “Dëshmorët e Kombit” dhe në sheshin “Nënë Tereza”.Një orë pas këtyre masave, do të ndalohet qarkullimi në të gjitha këto zona të lartpërmendura, shto këtu edhe sheshin “Italia”.

L.V