Gary Q. Kokalari mbi dyshimet se Ambasadori i ri amerikan është emëruar nga ndërhyrja e Podesta/Patton Boggs

Gary Q. Kokalari, themelues i “Shqiptarëve për një Shqipëri Demokratike”, një grup avokatie i formuar për të promovuar institucionet demokratike në Shqipëri, ka dhënë një intervistë të gjatë për Dita-n e sotme. Në to ai flet për shumë tema, por më e rëndësishmja është ajo e zëvendësuesit të Arvizu-së, që dyshohet se mund të jetë i “porositur” nga lobistët e Berishës.

Për humbjen e Berishës:

“Para së gjithash, unë mendoj se të gjithë shqiptarët kujtuan premtimet që ai bëri, gjatë fushatës për të rimarrë pushtetin në vitin 2005. Dhe tani ata e dinë se çdo gjë që ai tha, përfundoi në një gënjeshtër të madhe.”

Për lobimin, Kokalari mendon se ai nuk arriti të angazhojë dot figura të larta, me përjashtim të Rumsfeld, figurë aspak e dashur në ShBA:

“...medalja e Nishanit dhënë Rumsfeld-it ka të njëjtën vlerë si medaljet që u vareshin në gjoks Idi Amin-it dhe Muamar Gadafit.”

Për garën në PD:

“Në qoftë se PD-ja është me të vërtetë duke nisur një fillim të ri, atëherë unë mendoj se përveç përzënies së Berishës, ata duhet të heqin qafe edhe nga ata  që aspirojnë të bëhen shejtanë, si Basha dhe Olldashi.”

Këshilla e tij për Ramën:

“Nëse Rama do të bëjë me Berishën atë që ka bërë Berisha me Nanon, (mbulim nga Berisha i të gjitha parregullsive që Fatos Nano bëri nën qilim) atëherë kjo fantazmë do ta ndjekë nga pas atë. Dhe në qoftë se Rama heton Berishën dhe miqtë e tij, ai nuk duhet ta bëjë këtë për hakmarrje. (...) Deri më tani, shqiptarët kanë patur një mesazh shumë të keq që u është dërguar atyre: krimi blen drejtësinë me para. Kjo duhet të ndalet.”

Zëvendësuesi i Arvizusë i “porositur” nga Podesta/Patton Boggs:

Jam i shqetësuar disi në lidhje me historitë që u shpërfaqën në lidhje me zëvendësimin e ambasadorit Arvizu nga Donald Lu. Nëse thashethemet janë të vërteta dhe ai është emëruar si ambasador, ai do të jetë e nevojshme  t’u përgjigjet pyetjeve në lidhje me mënyrën se si është bërë emërimi i tij dhe sa, nëse ka patur ndonjë ndikim Podesta dhe/ose Patton Boggs në këtë ekuacion. (..) Unë tashmë kam ndërmarrë hapa për të kërkuar që ai të merret në pyetje në lidhje me këto çështje nga Komiteti për Marrëdhënie me Jashtë në Senat, nëse ai është emëruar me të vërtetë për të zëvendësuar Ambasadorin Arvizu.”

k.c.

e plotë:

http://gazetadita.al/11-korrik-2013/