FRD dhe AK i thonë “jo” Ramës pas ftesës së tij për aleancë parazgjedhore (për momentin)

zoti Nano ! eshte

zoti Nano !  eshte e qarte se ndodhemi perpara nje situate politike anomale ku dy kreret  me ide te majta e populiste,aspak moderne e aspak demokratike e kane kapur peng politiken shqiptare dhe  nuk lejojne te tjere.         Nderkohe, ka te tjere qe nuk jane as me njerin e as me tjetri dhe kane te njejtat te drejta per te qene te pranishemne skenen politike shqiptare mr shanse te barabarta.         mendoj se artikulli baskengjitur  ja vlen te botohet. As me Salën e as me Edin           E majta shqiptare është angazhuar kohët e fundit në një fushatë triumfaliste qëllimi i së cilës mund të përmblidhet në pak fjalë: Shqipëria është në gjendje mjaft të keqe deri në prag katastrofe dhe atë mund ta shpëtojnë vetëm ata, Partia Socialiste, që shkruesit e  identifikojnë me Edvinin, të cilësuar Lideri (nuk po më kujtohet si i thonë në gjermanisht kësaj fjale), dhe me programin “tepër konkret” që pretendojnë se kanë (mundet dhe e kanë në mendjen e tyre).Pas 21 janarit në Shqipëri  jeta politike, por edhe ajo ekonomike, u bllokua për shkak të qëndrimeve ekstremiste të Saliut,  i cili shpiku grushtin e shtetit, për  të kryer ai, një grusht real, me synim  marrjen në dorën e tij të të gjithë pushteteve sipas parullës staliniste “gjithë pushteti sovjetëve”, por dhe për të fshehur krimin, vrasjen  e 4 martirëve në fund të demonstratës, kur turma ishte  duke u shpërndarë, vrasje e cila duhej të hetohej  me paanësi vetëm nga Prokuroria  dhe jo nga inkuizitorët halemër të Saliut.  Do të ishte diçka normale  që, për çka ndodhi, të gjobiten organizatorët e demonstratës për dhunë ndaj policisë, ashtu dhe ushtruesit e saj e jo pjesëmarrësit e qetë, siç janë dhe praktikat perëndimore: për prishjen e rendit  publik  dhe rezistencë e dhunë ndaj policisë.  Shfaqje të tilla i shohim, shpesh madje edhe  më të dhunshme, në çdo vend të perëndimit, por atje  policia nuk shtie kurrë mbi  turmën e paarmatosur edhe në se tremben qeveritarët. Prandaj vrasësit dhe urdhërdhënësit duhet të dënohen rreptësishtë. Deri atëhere nuk do të këtë qetësi.                              Në vendet demokratike është e drejta e qytetarëve të protestojnë ndaj politikave te qeverisë, kundër varfërisë, për drejtësi sociale, për votën e lirë  e për  çdo gjë tjetër, gjithë duke respektuar  ligjet e vendit, madje edhe  pa marrë leje tek administrata, por nuk kemi parë që të hedhin valle para zyrave të pushtetit si në kohën e Dullës, prandaj mos ja kërkoni këtë opozitës.      Është detyrim madje dhe i intereson politikës  që të marr në konsideratë mendimin e një pjese të popullsisë, jo më kur është sa vetë mazhoranca, edhe që   të mos ndëshkohet nga vota nesër. Sigurisht, ky nuk është rasti i  vendit tonë, ku vota vidhet dhe qeveritarët thonë se jemi të ligjshëm,  meqenëse ligjin e pa drejtë dhe aspak demokratik e hartuan  bashkë, për interesat e tyre, të dy partitë.  Pa u mbyllur ende hetimi dhe pa u nxjerrë  ende përgjegjësitë për këtë masakër te pashembullt  në këto 15 vitet e fundit,  filloi fushata për zgjedhjet për  organet e qeverisjes vendore.  ajo u shqua për dhunë e  mitingje marramendëse  dhe u kurorëzua (veç vjedhjes  së votës në komuna e bashki)  me farsën e Tiranës.  Veprimet banditeske të  Ristanëve me shokë e shoqe  për ti dhënë me çdo çmim Tiranën Lulit, duke i numëruar dhe votën “vrasës”, do të ketë ndikim afatgjatë  në jetën politike sociale të vendit dhe pasoja në ekonominë e shqiptarëve  jo milionerë, me pasuri të vënë si qeveritar e të tjera aktivitete të ndaluara nga ligji por të lejuara për disa. Kjo dhunë dhe arrogancë politike ka thelluar akoma më shumë hendekun ndërmjet popullit të djathtë e të majtë.Ka kaluar më shumë se një vit qysh atëherë  dhe gjendja e Shqipërisë dhe shqiptarëve për shkak të politikave të dështuara ekonomike, ka ardhur  duke u përkeqësuar  në të gjitha aspektet, sa që sot  jemi në prag të katastrofës. Tashmë  shumica dërrmuese e shqiptarëve,  përjashto profiterët,  gjykon se në Shqipëri sundon krimi, bandat  e qeveritarëve ose kriminelëve  që qeveria i lejon, sundon korrupsioni, sundon padrejtësia, e  të gjitha këto të inkurajuara nga  heshtja e shumicës, por jo më pak dhe  nga  sehiri që bëjnë të huajt  që janë në Shqipëri, për të na drejtuar, korrigjuar  e mbikëqyrur. Ata shohin veç burra shteti dhe përparim.Fakti, që ata që  nuk marrin pjesë në votim janë të shumtë,  tregon se jo të gjithë shqiptarët  bëjnë pjesë në përkrahësit e Saliut  apo të kundërshtarit të tij - Edvinit. Pra, ka shumë shqiptarë që nuk besojnë se jetojmë në vendin më të mirë e më të përparuar të botës, perlën  dhe ëndrrën e turizmit botëror,  ashtu edhe të tjerë që nuk besojnë  në një politikë të re, apo as të majtë dhe as të djathtë,  me një  program 1000 faqesh (përpara zgjedhjeve të 2009-ës), apo një program 90 faqesh me bojra për Rilindjen Kombëtare, me fraza të përgjithshme e shpesh ambigue, që i gjen në çdo manifest të majtë evropian, thuajse pa shifra e rrugë reale për zgjidhjen e problemeve konkrete të popullit tonë. Edvini dhe Saliu nuk duhet të harrojnë se kjo gjendje është rezultat i pazarit të fëlliqur të prillit 2008, kur ndryshuan Kushtetutën, që të mbesin përjetë vetëm ata të dy në skenën politike shqiptare, e ne të jemi të detyruar të zgjedhim vetëm ndërmjet tyre. Me atë akt ata treguan se janë bartës të të njëjtës mendësi përjashtuese e komuniste për ata që mendojnë ndryshe. Mjafton ky fakt për të mos qenë me ta e për të mos votuar për ata. Edhe me opinionin e fundit arrogant për Topin,  Lideri  tregoj intolerancën e vet e një përbuzësi për njerëzit që nuk janë me të, duke treguar mendësinë e tij prej sundimtari feudal, njëlloj si Saliu kur flet për “cicërimat” e tij.Shqiptarët e tjerë kanë të njëjtat të drejta me dy grupimet e mësipërme,  të jetojnë këtu  dhe të përfaqësohen në politikë e të ndikojnë në të. Për shumë shqiptarë të dy këto grupime klienteliste  me programet dhe sjelljen e tyre  nuk janë as të majtë e as të djathtë,  prandaj ka vend  dhe për të majtë dhe të djathtë të tjerë dhe aq më tepër të qendrës, ka vend pra edhe për ata që nuk janë as me Salën dhe as me Edin, që ëndërrojnë,  si në dhjetor’90 një Shqipëri demokratike ,  që duan liri e demokraci.  Me sa duket, ata duhet të presin një dhjetor të dytë.Si përherë në këto vite  që nga zgjedhjet për kryetar të PD-së  në shtator 1991  e deri më sot Saliu është në ethet e padurimit  (frikës së humbjes) në zgjedhjet. Përvoja e tyre që kanë qenë  pranë tij tregon se turbullimi  emotiv për të  fillon që 5-6 muaj para zgjedhjeve e shfaqet me fjalime  e dalje të përditshme në publik  që ja shumëfishojnë mediat , prona të tij,  duke folur për gjithçka madje  duke thënë dhe të kundërtën e asaj  që ka thënë vitet e mëparshme , duke kalëruar nga një cep në tjetrin, nga energjia bërthamore në atë të rinovueshme  mjafton që të jenë premtime të bujshme,  e të pres shirita si dikur Lymi me Edin me të cilët ai tallej. Por,  kohët e fundit ai mendon se Shqipëria është si shtëpia e tij  në Vuçidol, ku ai,  si i  pari  i  saj, mund të bëjë gjithçka , ta shes, ta fali, ta djeg  etj. Me mentalitetin e tij të kohës së bashkësisë fisnore e si komunist  i thekur ai mendon se është misionar dhe pronar edhe i njerëzve që jetojnë këtu  në “pronën e tij”. Ne shohim shpërdorime, vjedhje, korrupsion që bëhen sheshit nga familja & shokë, vrasje, aksidente dhe ai na flet për përparim për  digjitalizim e hidroberishizëm.  Ai shtigjet e asfaltuara, që marrin për ditë jetë njerëzish,  i quan autostrada dhe ua jep për t’i projektuar dhe ndërtuar  klientëve të tij, duke vjedhur  djersën e gjakun e shqiptarëve. Nga ai mund të presësh gjithçka,  vetëm jo përparim dhe qytetërim,  Ai na kujton mbretin Midas, të miteve të lashtësisë, të cilin perënditë  e dënuan që gjithçka që prekte  ti bëhej flori e të mos e hante dot, ndërsa këtij gjithçka që prek i pëgëret. Kudo në botë njerëzit  shpresojnë tek opozita,  tek  lufta dhe  përpjekjet e saj për ti dale zot popullit ,  këtu kjo nuk po ndodh.  Këtu  kryetari cicëron,  ndërsa luftojnë, e duhen respektuar, vetëm Taulanti dhe Erjoni, sepse  të tjerët ose  janë servile të Liderit, ose  duhet  të jenë të zënë në konflikt interesash, e duan ta kenë mire me qeverinë e Saliut. Njerëzit presin veprim për të bllokuar rënien ekonomike dhe shitjen e vendit serbo-grekëve. Edvini premtoi 300 ditë gju më gju me popullin   alla Enver, prandaj me të drejtë njerëzit e zakonshëm,  pra shumica, kanë të drejtën të pyesin:  çfarë  dhe si do ta bësh ?  me fjalë të  pakta e shifra të sakta, me zgjidhje  realiste pra të mundshme, sipas  një programi të detajuar  për të interesuarit,  ndërsa të thjeshtë  e konkret për shumicën e popullit. Duam të dimë   a do të jetojmë më mirë dhe më të sigurt në vitet që po vinë  dhe me të ardhme për fëmijët  tanë, njerëzit, apo të nisemi nga këmbët sytë  për të mos u kthyer më. Shqipëria po vidhet dhe me ndihmën e të huajve, pasi paguajnë familjen. Partia Socialiste, në fakt dy tre veta protestojnë, ndërsa   shumica me sa duket pret radhën (e quajnë rrotacion!!) që të vazhdojnë si Saliu këtë rrugë, dikur  të Fatosit dhe  Ilirit.Partia Socialiste urgjentisht duhet te mbledh Asamblenë e të marrë vendime për rishikimin e kontratave korruptive e fiktive të koncesioneve  për vjedhjen e pasurive kombëtare, dhe  kthimin e sovranitetit mbi këto pasuri kombëtare, e kanë bërë dhe vende të tjera e asnjë hajn i huaj nuk ka bëzajtur. Në cilin vend të botës bëhet shitja e rezervave nëntokësore siç po bëhet me naftën dhe gazin, kush shet bregun e detit, ajrin, ujin dhe  nëntokën me minerale, më thoni një veprim të tillë. Le të jenë bërë me Ligje. Kur ligji bëhet për të mundësuar vjedhjen është i jashtëligjshëm. Edhe Enveri me Ligj vriste, por askush nuk ka të drejtë të thotë se e kishte të drejtë. Për këtë socialistët duhet të paralajmërojnë SHBA dhe Bashkimin Europian  si dhe vendet mike, që të mos ankohen nesër. Në këtë aspekt ata duhet të kontrollojnë  jo vetëm Saliun por  dhe të tjerët e kemi fjalën për  vitet 2000-2005, e  po përmendim   Aeroportin e Rinasit, Raiffaisen Bank, dhe Bankën Kombëtare Tregtare, që u shit paturpësisht për  vetëm 1 dollarë.  Kush na vjedh  duhet të vejë në vendin e caktuar për hajdutët. Edvini duhet të na flasë qartë, konkretisht e ma shifra për financat publike,  taksat, shpërdorimet e Bankës së Shtetit,  kontrabandën  dhe trafiqet, korrupsionin regjistrimin dhe  verifikimin e pasurive (pa të cilën nuk luftohet korrupsioni), e mbi të gjitha si do të veprojë, në çfarë afatesh do të veprojë,  ndryshe le të mbajmë Saliun se mbase nuk do të vjedhë më shumë, se shokët e Edvinit nesër, sepse është majmur. Edvini duhet të na flasë për krimin, rendin publik,  dhe drejtësinë dhe të na thotë  na thotë  çfarë do të bëj dhe në çfarë afatesh do t’i bëjë. Edvini duhet të na flasë për pronat , për një masakër e cila sipas Majkos filloi me PS. Nuk ka deputetë e politikanë të PS që nuk ka vila në bregdet. Të na  thotë konkretisht për kthimin e trojeve të vjedhura (shtetërore e private) në qytete e bregdet e a do të kthehet tek i zoti, po kështu për pronën në fushë dhe po ashtu dhe për të përndjekurit, kur do të kompensohen,  brenda sa kohësh  do të  kompensohen, dhe sa kategori të tilla do jenë sipas moshës  dhe vite  burgu  që kanë bërë. Të njëjtën gjë ai duhet të na i thotë për infrastrukturën  dhe  urbanizimin , zaptimin dhe legalizimin, e për shumë e shumë të tjera e të tjera  maskarallëqe që po ndodhin për ditë në Shqipëri. Për arsimin e degraduar të kthyer në një mjet fitimi  për licencat politike  që kanë marr,  për shëndetësinë  në gjendje të mjeruar,  si çiflig për partitë e vogla,  për mjedisin  që po e kthen vendin në  kazan  plehrash e që nuk po lenë  pyll pa shkrumbuar. Jo vetëm kritika e akuza por dhe veprimet që do kryejnë.Por gjithashtu duhet të na mbushi mendjen se partia e tij është e demokratizuar, se kandidatët për kryetar e për deputet  nuk i emëron Lideri, por i zgjedh anëtarësia, sipas parimit një anëtarë një votë, e që vendimet merren kolegjialisht, sepse  Shqipërinë mund ta bëj demokratike vetën një parti e demokratizuar. Dyshojmë se Partia Socialiste është e tillë. Madje sa më shumë të mburren për këtë aq më pak janë të besueshëm sepse, si thotë fjala e urtë, “njerëzit mburren për virtytet që ju mungojnë” Unë jam ndër ata që nuk besoj se “Lideri” do t’i bëjë  çka treguam më sipër, sepse duhet të  akuzojë dhe të vetët dhe PS-në për   vitet 1997-2005, gjë që deri më sot nuk e ka bërë;  nuk besoj se  di se çfarë duhet të bëjë, sepse nuk i kam dëgjuar gjatë këtyre 7 vjetëve  ndonjë propozim konkret, përveçse fjalimeve  me fjalë të përgjithshme. Prandaj si shumë e shumë shqiptarë nuk jam as me Saliun dhe as me Edvinin, as dhe  me të tjerët, derisa të na tregojnë rrugën e shpëtimit, as me frymë e as me  beneluksa,  as se janë misionarë dhe as  me parulla populiste,  por konkretisht,  me një road map dhe timetable , me njerëz dhe anëtarësi që do ti zbatojnë, ndryshe  nuk ka pse të harxhojmë votën për sundimtarin e radhës,  që do të bëhet pronar i një çifligu:  i shtetit, i popullit,  qoftë ky blu apo i kuq , apo ndonjë me ndonjë ngjyrë të re. Por, përpara së gjithash duhet të na ktheni votën e lirë, të ndershme e të barabartë, një e drejtë legjitime që na e vodhët ju të dy,  me miratimin ose heshtjen e ambasadorëve dhe osbe-istave. Me sa duket nuk na mbetet gjë tjetër veçse të shpresojmë që në të ardhmen  shqiptarët  do të zgjohen dhe do të binden që po ecin në rrugë qorre  dhe vetëm atëherë do të vijë shpëtimi.                          Keno Kotorri

Comments

Levizje e bukur kjo, bravo!

Levizje e bukur kjo, bravo! Jo aleancave paraelektorale, po atyre pas-elektorale, me te vetmin qellim heqjen qafe te dikatorit Berisha. Dhe nese kuotat e votave jane ato te sondazheve, LSI, PBDNJ e pislleqe te tjera si keto, dalin te pavlera, perfundojne perfundimisht ne koshin e pleherave qe meritojne!

O njerez normale! Çlirohuni

O njerez normale! Çlirohuni nga militantizmat e fanatizmat ideologjiko-politike. 4 martiret e 21 janarit i vrau Zoti. Ata u ngriten nga vendet ku ishin ne mergim dhe erdhen ne nje proteste paqesore. Ç'u duheshin shkopinjte e tullat?! Ishin mijra protestues, pse shkoi plumbi tek ata? Te mençurit u kishin hipur makinat dhe ishin ne udhetim per ne rrethet e tyre sa filloi protesta me shkopinj mbi policine. Ndersa ata, qe s'ishin aspak heronj rrine prane kangjellave te kryeministrise... E kishin te shkruar nga Zoti. Lerini bla-blate. Po te ishte per te vrare nga qeveria vriteshin deputetit. Te ishte vrare nje deputet ne balle te turmes, do ta quaja vertete hero. Ne jemi budallenj, qe sakrifikojme, per t'u dhene material propagandistik politikaneve. Kur te vriten atane balle te protestave, do t'i bejme heronj pa hezitim

FRD dhe AK i thonë “jo” Ramës pas ftesës së tij për aleancë parazgjedhore (për momentin)

Comments

zoti Nano ! eshte

Levizje e bukur kjo, bravo!

O njerez normale! Çlirohuni

Add new comment

Plain text

You are here

FRD dhe AK i thonë “jo” Ramës pas ftesës së tij për aleancë parazgjedhore (për momentin)

Comments

Add new comment

Plain text