Foto të papublikuara nga pushkatimi i Çe Guevarës në Bolivi

47 vjet pas pushkatimit të Ernesto Çe Guevarës në Bolivi, dalin në dritë foto të papublikuara të vdekjes së tij. Fotot mbaheshin  të fshehura nga Emanuel  Artega, nipi i një prifti katolik që shërbeu për 11 vjet me mision në Bolivi.

Fotot e ekzekutimit të Çe Guevarës ishin shkrepur nga gazetari i Agjencisë Franceze të Lajmeve (AFP), Mark Huten, i cili në pamundësi për t’i nxjerrë nga Bolivia ia kishte dhënë misionarit katolik Luis Kartero.

Ky i fundit pasi i mbajti për vite me radhë të fshehura arriti që vite më vonë t’ia japë nipit të tij, Emanuel Artega që jeton në Saragosë të Spanjës.

Janë gjithsej 8 foto, njëra prej të cilave tregon momentin kur Çe Guevara shtrihet i vdekur pas ekzekutimit. Cilësia e fotove tregon se shkrepja e tyre dhe dhe stampimi bardh e zi u bë në shpejtësi për t’ia dorëzuar sa më shpejt priftit katolik.

l.m