Flet gruaja e Gjin Gjonit. “Paratë i kam me djersë dhe biznes të ndershëm”, thotë Elona Çaushi

Në një kohë që të gjithë largoheshin nga Shqipëria, ajo u kthye në vitin 1997, themeloi një kompani dhe një vit e gjysmë më vonë filloi të shijojë suksesin. Kështu thotë Elona Çaushi, vajza e ish ambasadorit Shpëtim Çaushi dhe bashkëshorte e gjyqtarit Gjin Gjoni, në një intervistë për Panoramën. Çaushi ka reaguar më në fund për akuzat që rëndojnë ndaj të shoqit, se ka fshehur pasurinë, dhe thotë se ka gjashtë biznese në Shqipëri dhe zotëron 100% të aksioneve, ndërsa i shoqi s’ka lidhje me to. Sipas saj, i shoqi është sulmuar politikisht.

Pas këtij sulmi, ajo thotë se janë sulmuar edhe bizneset e saj, të cilave u janë vendosur gjoba.

“Që kur filloi sulmi ndaj tim shoqi, e kasha të qartë që e dyta në radhë do të isha unë, d.m.th bizneset e mia. Çdo biznes i imi është gjobitur në mënyrë të pandërprerë”, thotë ajo. Çaushi thotë se gjithë pasurinë e saj e ka vënë me mund dhe djersë.

Gjithsesi, fakti është që Gjin Gjoni akuzohet për akte dhe shifra konkrete të falsifikimit të kontratave, deklaratave të rreme financiare etj, dhe jo për bizneset e së shoqes.

a.k