Fjala e z. Berisha, premton dhunë, në emër të demokratëve që janë “racë e veçantë”

Në seancën maratonë në Kuvendin e Shqipërisë nuk munguan momentet interesante, si për shembull fjala e ish-Kryeministrit, z. Berisha, që e nisi fjalën e tij në orën 20:03 duke i konsideruar zgjedhjet si të fituara  “me dhunë e terror, me premtime antiglobaliste”. (këtu vlen për debat se çfarë kupton ish-shefi i qeverisë  me “antiglobalizëm”)

 “Zgjedhjet, që u fituan me dhunë e terror, u fituan me premtime antiglobaliste, megjithatë unë e pranova humbjen!”- tha ai, në një frazë që rezonon me kohën kur thoshte se me demokratët e Mamurrasit mund të merrte dhe Tiranën, po s’deshi vetë: “Demokratët më bënë thirrje të mos jepja dorëheqjen, por një thirrje më eprore më detyroi të jepja dorëheqjen, thirrja e kombit tim.”

Në fjalën e tij, kuptojmë se demokratët nuk qenkan si 1 milion shqiptarët që e kundërvotuan:

“As në Greqinë antike, akte të tilla urrejtje është vështirë të gjesh, në legjendat dhe mitet e asaj kohe. Shqipëria që po rrënohet dhe një popull i mallkuar si populli opozitar. ... Tani duhet t’i them në emrin tuaj të gjithëve se jemi një racë e veçantë , që nuk vajtojmë, që nuk lëndohemi aq kollaj. Edhe humbjen e festojmë! Edhe vdekjen e festojmë! Sepse kemi punuar me nder.”

Në fund e mbylli me një premtim për luftë: “Por nëse i mashtroni shqiptarët, atëherë ne do t’i udhëheqim duke bërë atë që i bënë Xhorxhit, grekët."

k.c.