Familja e K/ministrit, a mos po kërkon të tërheqë në vallen e akuzave familjen e Edi Ramës?

Sot, e bija e Kryeministrit, Argita Malltezi, ka dalë me një deklaratë ku pasi shprehet që paratë e fituara prej tyre janë transparente e të fituara pa asnjë konflikt interesi, sulmon drejtpërdrejt Kryetarin e Partisë Socialiste e deri dhe të shoqen e tij, Linda Ramën, me një strategji të stilit “dhëmb për dhëmb” që me sa duket synon të tërheqë në valle dhe familjen e Edi Ramës. Bie në sy terminologjia e përdorur që përmban terma të tipit: “njeri i zhveshur nga cdo normë dhe moral njerëzor”, “shpif”, “mashtrues ordiner”.

Pikat pikante ku sulmohet Rama në deklaratë janë:

• Ky njeri i zhveshur nga cdo normë dhe moral njerëzor shpif cdo ditë, manipulon, mbledh e shumëzon për të gënjyer përsëri...
• Sipas saj, “Rama që shpif e trillon prej 10 ditësh nuk paraqet dot as edhe një fakt të vetëm...
• Ai mendon se mund të mashtrojë shqiptarët duke bërë vetë rolin edhe të paditësit, edhe të gjyqtarit, edhe të jurisë, edhe të ekzekutuesit”
• “Ky mashtrues ordiner, për të cilin janë hedhur akuza direkte publike për korrupsion më shumë se për asnjë person tjetër në Shqipëri....
•  ka deklaruar vetëm 3000 dollarë kursime për 13 vite në pushtet si ministër Kulture dhe kryetar bashkie;
• është deklaruar si i pastrehë, ndërkohë që prej një jave ka nisur pushimet e dimrit, i strehuar në hotele luksoze nga ku dirigjon fushatën e shpifjeve të ulëta.
• Z.Rama tregoju shqiptarëve se me cfarë parash udhëton për pushime luksoze në hotele të cilat sic është bërë publike nga një e përditshme, janë më të shtrenjtat e Europës dhe Gjirit Persik, ku një natë nuk është më pak se 2500 euro”

Në lidhje me pyetjet e shtruara nga deputeti Balla, znj Malltezi, në deklaratë ka thënë:

“...të ardhura të cilat janë fituar me aktivitet profesional, kërkimor-shkencor, botues dhe mësimdhënës në universitete private; në të njejtat universitete ku shumë më të paguar se ne, janë disa nga deputetët socialistë, përfshirë dhe bashkëshorten e tij, Linda Basha...”

k.c.