Fakte mbi Ali Podrimjen nga një fjalë e Visar Zhitit

Në të përditshmen shqiptarja.com është publikuar fjala që Visar Zhiti ka mbajtur më 1 gusht në përkujtimoren “Gjithmonë Ali Podrimja”, në Teatrin e Operas e të Baletit. Është një fjalë e ndjerë e një miku për një mik që ikën papritur e përgjithmonë. Por aty ka dhe do fakte jo fort të njohura mbi Ali Podrimjen, të cilat më poshtë po i japim gërmë për gërmë, të marra nga kjo fjalë e Zhitit:

• Teksa po hidhnim grushtat me dhé në varrin e porsahapur, kori i burrave të Gjakovës, ku ka lindur poeti ynë, këndoi pikëllueshëm një elegji qiellore, shqiptare e gjitha [shtypi shqiptar nuk ka folur për këtë detaj; ndërsa Zhiti nuk sqaron se ç’është ky kor i burrave të Gjakovës, dhe për ç’elegji bëhet fjalë].
• Poeti Podrimja ishte shuar befas në Francë, buzë një pylli, e kishte ndër duar ca fije bari e gjethe….
• Podrimja ka shkruar himnin e UÇK-së.
• E pashë së pari në Gostivar, njëzet vjet më pare … [ku] vizituam [edhe] një tempull feje. Arkitekturë moderne. “Ani, bukur fort, ta gëzoni, tani të bëni edhe një bibliotekë kështu”, u tha Ali Podrimja …
• Sa herë bujtte në Tiranë …. fare thjesht, çiltër fare, kërkonte të ndalej në zyrën e [Sali] Berishës. “A ke lënë takim, baca Ali?”, e pyesja. “Jo, pse bre, më pret mua ai, jemi miq, dua ta përshëndes”.

Re.Pu.