Facebooku vret aktorin Morgan Freeman!

Lajmi se Morgan Freeman një nga aktorët më të mëdhenj me ngjyrë kishte vdekur (Shawshank Redemption, Bruce Almighty, etj), zuri vend edhe në ndonjë media shqiptare, dhe sigurisht pikëlloi fansat e tij shqiptarë. Por, ky raport hidhet poshtë si i pavërtetë, dhe nuk është rasti i vetëm kur aktorë të njohur “raportohen” gabimisht si të vdekur. Ky fat i ka rënë dhe reperit 50 Cent, Edi Mërfit apo Bill Kosbit.

Vdekja e rreme u sajua nga një grup në Facebook që ka mbi 60mijë anëtarë, dhe bëri që shumë njerëz të shprehin ngushëllime për vdekjen e tij. Kjo nuk është hera e parë që vdekja e personave të famshëm sajohet, qoftë dhe për gallatë, duke përfituar nga përhapja e shpejtë e çfarëdo lajmi me anë të teknologjisë. U takon gazetarëve por dhe vetë lundruesve në Internet që t'i marrin informacionet në sajte serioze, ose dhe ti verifikojnë me burime të tjera alternative informacioni.

Raportimi i “shpejtë” i lajmit dhe në ndonjë medium shqiptar, tregon që për fat të keq ne kemi një gazetari që informohet me... Facebook!

k.c.