Express: "Sheiku" nga Skrapari viziton Kosovën

Ilir Meta, “sheiku” nga Skrapari që viziton Kosovës, kështu është pritur dhe komentuar në Kosovë vizita e Kryetarit të Kuvendit të Shqipërisë. Ilir Meta ka bërë një vizitë të shkurtër në Prishtinë, ku është takuar me krerët më të lartë të Shtetit të Kosovës. Por kjo vizitë është ciëlsuar ashtu sikurse edhe e shumë zyrtarëve të tjerë shqiptare në Kosovë pa asnjë ndikim në marrëdhëniet mes dy vendeve. Kjo vizitë më shumë është vlerësuar si një eskursion i thjeshtë e Kreut të Kuvendit të Shqipërisë, eskursion i një “sheiku” nga Shqipëria i cili po takon disa “sheikë” të një vendi fqinj për kënaqësinë e tyre. Ekspress shkruan se vizita të tilla janë shpeshtuar kohët e fundit, në dy anët e kufirit. Sipas kësaj medie kosovare, zakonisht liderët që nuk kanë ndonjë reputacion të mirë ndërkombëtar, siç është Meta apo liderë tjerë shqiptarë e Kosovë, në pamundësi për të realizuar ndonjë takim në kancelaritë kryesore botërore, vijnë në Prishtinë apo shkojnë në Tiranë. Duke komentuar deklaratat e Metës, partinë e tij, LSI dhe koalicionin e tij me Berishë dhe me Ramën, Ekspress shkruan se : “A është Meta njeriu i duhur për të folur për integrime europiane? Natyrisht se jo. Ai ka ndërtuar një parti, LSI-në, që më shumë është një sipërmarrje biznesesh sesa subjekt politik ku aderojnë njerëzit për shkak të bindjeve të caktuara politike. Ka tradhtuar të majtën shqiptare dhe ka mbajtur në pushtet katër vite Sali Berishën, ndërkohë që dy javë para mbarimit të mandatit ka kaluar sërish në kampin e partive të majta. Mediat e huaja kanë hedhur dyshime për rritjen e tij në zgjedhjet e fundit, duke përmendur edhe mundësinë që ai të ketë paguar për vota. Për të mos harruar se Ilir Meta, pavarësisht se u shpall i pafajshëm nga gjykata, ishte parë dhe dëgjuar nga shqiptarët teksa fliste për për mijëra euro me Ministrin e tij, Dritan Priftin. Jo vetëm  kaq. Ilir Meta njihet si një ndër politikanët më të pasur në Shqipëri. Javën që shkoi gruaja e tij prezantoi vilën në Durrës, ku ndër të tjera, ka rreth 11 tualete, ndërkohë që në mes të Tiranës ka edhe një shtëpi katër katshe. Është irrituese kur një “sheik” i tillë iu flet “sheikëve” tanë për integrimet europiane. Ata janë pikërisht e kundërta e politikanëve europianë.”, thuhet në artikullin e Ekspress. 

http://www.gazetaexpress.com/lajme/shenim-i-redaksise-sheiku...

S.S