E.Spaho është i bindur se shumë demokratë “pragmatistë” shkuan tek LSI-ja

Të paktën në një moment politik, eksponentë të lartë të PD-së bashkohen sa i përket rezultatit zgjedhor të 23 qershorit: Sjelljes demokrate ndaj LSI-së. Këtë bën edhe deputeti Edmond Spaho në një intervistë të sotme tek Panorama, ku analizon rezultatin dhe zhvillimet e mëvonshme në parti. “Rezultati zgjedhor tregon se rrjedhja e votave të PD nuk ka shkuar te PS, por kryesisht te partitë aleate të së majtës, më parë pjesëtare të koalicionit qeverisës të PD-se. PS ka një rritje të papërfillshme në vota dhe numër deputetësh në krahasim me zgjedhjet e vitit 2009. Gjatë fushatës zgjedhore, në terren u evidentua qartë që një kategori votuesish të djathtë dhe neutralë preferoi pragmatizmin në formën e ofertave që morën për vende pune ose përfitime financiare nga forca të tjera politike”, thotë Spaho.   

http://www.panorama.com.al/2013/09/02/spaho-humbja-ne-zgjedhje-votat-e-pd-rrodhen-te-lsi-jo-te-ps/

a.k