Endira Bushati “nuk e njeh” shpalljen vakant të postit të saj nga komisioni i Medias, thërret AMA-n e shkarkuar në mbledhje

Pasditen e të martës, vetëm pak orë pas vendimit të Komisionit të Medias, Endira Bushati ka njoftuar anëtarët e mbetur të AMA Zylyftar Bregu, Sami Neza dhe Suela Musta për një mbledhje të AMA-s paraditen e të mërkurës. I pyetur nga TCH, nënkryetari i Komisionit të Medias, Alfred Peza, deklaroi se pas relacionit të paraqitur dhe miratuar në Komision, nga prilli 2013 deri tani për shkak të mbarimit të mandatit të saj si anëtare dhe për rrjedhojë edhe paligjshmërisë si kryetare e AMA-s, 13 vendime të marra nga AMA nën drejtimin e zonjës Bushati janë të paligjshme. “Aq më tepër që pas miratimit në Komisionin e Medias të vakancës për vendin e kryetarit, çdo mbledhje dhe çdo vendim tjetër i zonjës Bushati është jo vetëm i paligjshëm, por më shumë se kaq”, tha deputeti Peza.

a.k