Egjipti, mes dhunës dhe vrasjeve – a do harrohet dot kjo që po ndodh?

“Dita e turpit e Egjiptit” e quan The Independent, pasi njofton se nobelisti El Baradei, zv/Presidenti i komanduar ka dhënë dorëheqjen pas sulmit ëq mendohet të ketë lënë 464 të vrarë sipas La Repubblica.

Përveç kameramanit të Sky kanë vdekur dhe dy gazetarë të kanalit Gulf News dhe Al Akhbar.

Çfarëdo gjëje që shteti egjiptian të ketë shpresuar të arrijë me goditjen e vet, qindra fëmijë të vegjël të cilët ishin fshehur brenda rrethit të protestës nuk ka të ngjarë të harrojnë egërsinë e një qeverie e cila u ka deklaruar tashmë luftë islamikëve të vendit. Vëllazëria Myslimane ka vendosur t’i përgjigjet po me luftë, “do të marshojmë drejt Kajros”. Dhjetëra kisha të krishtera dhe besimtarë koptë janë kundërsulmuar a djegur si hakmarrje në disa qytet të vendit, raporton La Stampa.

Roberto Tascano shkruan në La Stampa:

“Liberalët, të cilët kishin shpresuar se mund të luanin një rol të rëndësishëm pas rënies së Mubarakut, numerikisht janë më të dobët dhe viktima të një kontradikte të ashpër: si mund të mbrojnë demokracinë dhe sekularizmin me tanke? Kriza egjiptiane është vetëm në fillim.”

k.c.