Edhe Twitter “hyn” në krizën ukrainase, bllokon llogarinë ultranacionaliste

Situata e komplikuar e Ukrainës ka futur në lojë edhe rrjetin social Twitter, që ka bllokuar llogarinë e grupit ultranacionalist të Ukrainës Sektori i Djathtë në Rusi. Kushdo që ka bërë përpjekje të hyjë sot në llogarinë @PravyjSektorRus në Twitter është përballur me përshkrimin: Kjo llogari është e bllokuar në Rusi.

Twitter nuk ka bërë ende ndonjë deklaratë zyrtare. Ky zhvillim ndodh dy ditë pasi agjencia ruse për monitorimin e mediave, Roskomnadzor, ka thënë se Twitter mund të bllokohet në Rusi për shkak të injorimit të kërkesave ligjore, të bëra nga zyrtarët rusë, në lidhje me përmbajtjen që konsiderohet si “ekstremiste”.

a.k