Edhe Ahmadinexhadi u tërhoq para një greve urie, por jo Berisha…

Nasrin Sotoudeh, një aktiviste iraniane e të drejtave të njeriut, kishte 49 ditë që zhvillonte një grevë urie në një burg në Teheran. Kërkesa e saj ishte që autoritetet të mos kërcënonin familjen e saj dhe që të bijës 12-vjeçare t’i lejohej udhëtimi jashtë shtetit. Pasi e kishte mbajtur shpirtin gjallë vetëm me ujë me sheqer dhe me kripëra, aktivistja e mbylli grevën e urisë, kur autoritetet pranuan kërkesat e saj, raporton sot The Daily Beast.

Po sot, në Tiranë (jo Teheran), sipas gazetës shqiptarja.com, Kryetari i Partisë Socialiste, Edi Rama, duke rikujtuar grevën e urisë së të përndjekurve politikë të para një muaji, theksoi se i burgosuri politik  Lirak Bejko i vuri flakën vetes sepse iu drejtua qeverisë dhe nuk e dëgjoi askush.

“Para pak kohësh ne përjetuam një tragjedi shumë të madhe, vdiq një njeri i vuajtur dhe i pafajshëm që i vuri flakën vetës. Ajo çka e bën këtë tragjedi të pashlyeshme është se ai njeri i vuri flakën vetes pasi nuk e dëgjoi askush. I vuri flakën vetes me përpjekjen për t’u dëgjuar”, tha Rama.

Re.Pu.

Lajmi i The Daily Beast: http://www.thedailybeast.com/articles/2012/12/06/iran-nasrin-sotoudeh-s-victorious-hunger-strike.html

Lajmi i shqiptarja.com: http://www.shqiptarja.com/politike/2732/rama-lirak-bejko-u-vetedogj-se-qeveria-nuk-e-degjoi-136033.html