E përgojoi para se të jepte shpirt, e përgojon edhe pas vdekjes…

Më 24 tetor, në një nga mbledhjet butaforike të rradhës të qeverisë që dominon, Sali Berisha tha për Lirak Bejkon: “Bejko, që vendosi të bëhej theror, ishte arrestuar me 30 kilogram drogë, nga policia e Durrësit dhe për të cilen, organi i akuzës kërkoi 9 vjet, por që, natyrisht, e liruan Tabakët e KLD-së, me ndërhyrje të fortë. Në këto rrethana, është në dinjitetin më të madh të mijëra e mijëra të përndjekurve politikë, të dhjetëra mijërave familjarëve të tyre që, qoftë edhe për një minutë të vetme, nuk u dezorientuan, por qenë të parët që kuptuan se kjo ishte gjithçka e organizuar për llogari të pushtetit të Edi Ramës. Edhe vizitat e tij natën, edhe furnizimi që u bënte nga klubi ngjitur, të gjitha të ishin në funksion të kësaj karrigeje, në të cilën nuk do të ulet kurrë...”

Sot, në një deklaratë të shkruar me siguri prej tij (por të lexuar nga kukulla e vet zëdhënëse), Berisha e përgojoi përsëri të ndjerin Bejko – edhe pas vdekjes!

Tha kukulla e Berishës: “Z.Rama dhe kupola e PS, me organizimin kundrejt pagesës për qëllime politike të grevës,… selektimit mbi bazën e kartelës shëndetësore të të ndjerit Lirak Bejko, dhe dërgimit direkt te ai me shishet e ujit, edhe ato të benzinës, besoi se flakët që do të digjnin trupin e tij do të shëndrroheshin në vota për karrigen e Ramës.” Per hir te pushtetit, kete llaxore (Berishen) nuk e ndal as morti nga pergojimi i kundershtareve...

Dhe ironia e gjithë kësaj historie tejet, tejet të dhimbshme është se i ndjeri Bejko, deri në zgjedhjet e fundit, ato të 2011-ës, ka votuar vetëm për PD-në.

Ma tha me plot gojë, e duke më parë drejt e në sy, jo më larg se tri ditë para se të vetëfliohej…
E.Zaloshnja