Dy zhvillimet e ditës

Gjykata e Apelit ka ndryshuar masën e sigurisë për ish-Guvernatorin Ardian Fullani duke e kaluar atë në “arrest shtëpie”. Ishte një vendim i paralajmëruar, por duhet risjellë në vëmendje se sot që pritej ky vendim ka patur një zhvillim qendror: takimi i ambasadorit amerikan Arvisu me kreun e Kuvendit Ilir Meta, në të cilin Arvisu ka tërhequr vëmendjen në “politizimin e procesit”. Të kujtohet po ashtu se Arvisu doli në skenë me çështjen “Fullani” edhe më 14 gusht , kur u shpreh “se e kuptoj që njerëzit janë të mërzitur, por duhet lënë drejtësia të veprojë”. Kjo pas takimit që ai pati me Fullanin. Ndoshta ka vlerë edhe fakti se personi që ka zgjedhur Arvisu të takojë sot, është pra Ilir Meta, njeriu që ka ndenjur “larg” kësaj historie, por që padyshim është nga njerëzit kyç.

s.z