A duhet të jetë emri i Ardian Klosit si çmim për publicistikën? Ndriçim Kulla mendon se në vend të tij duhet vënë Branko Merxhani

Ndriçim Kulla shkruan sot një artikull te “Panorama” që lidhet me çmimin “Ardian Klosi”, të promovuar në Festivalin e Librit dhe të Artit Pamor në Tiranë pak ditë më parë. Kulla, që është botues prej shumë kohësh dhe që aktualisht ka një pozicion këshilluesi në Presidencë, i ka vënë një titull polemizues opinionit: “Çmimi Ardian Klosi apo Branko Merxhani për publicistikën?" “Çfarë përfaqëson në të vërtetë ky Ardian Klosi në historinë e publicistikës shqiptare që t’i bësh një nderim të tillë duke i vënë dhe emrin e tij çmimit të festivalit?, shkruan Kulla, për të vazhduar mandej me një shtjellim të jetës publike të Ardian Klosit. Konkluzioni: Ardian Klosi ishte një njeri i shkolluar, i formuar, por edhe i përkëdhelur nga regjimi , një publicist me një stil provokues gjithsesi, por fare normal. Kulla propozon për çmim një emër tjetër të publistikës shqiptare, tanimë të viteve ’30. Të mirënjohurin Branko Merxhani, jeta dhe vepra e të cilit sipas Kullës janë të pazëvendësueshme në lëmin publicistik shqiptar. “Krahasimi im u quajt i nevojshëm për të denoncuar shpërdorimin e vlerave mendore të financuesve të Festivalit të Librit Shqip..”, vijon Kulla në polemikën e tij.

s.z