Doshi fut në “ekuacion” edhe babanë e Metës: I ka kërkuar një ish snajperi të ushtrisë të më vrasë! Monika Kryemadhi, sot në prokurori për të dëshmuar

Shtohet rrethi i personave që do të thërriten në prokurori për të pohuar dijeninë e tyre mbi akuzën e deputetit Tomë Doshi, se ndaj tij është planifikuar një atentat i porositur nga kryetari i Kuvendit Ilir Meta. Vetë Doshi, në një postim të gjatë në fb ka shtuar edhe një element tjetër të panjohur më parë. Sipas tij, “në Prokurorinë e Krimeve të Renda eshte bere nje kallzim penal nga Petrit Cinari, një ish oficer nga Skrapari. Në këtë kallzim eshte deklaruar se babai i Ilir Metes, rreth 1 vit e gjysëm më parë, e ka thirrur Petritin ne Gjirin e Lalzit dhe i ka kerkuar atij me porosi të Ilir Metës, që të vrasë Tom Doshin. Ky person paska punuar bashkë me Rrexhep Metën ne ushtri dhe paska qene qitës i shkëlqyer. Pas rikthimit të tij nga Amerika, babai i Ilirit e paska gjetur, ftuar ne Gjirin e Lalzit dhe bërë ofertën makabre, e cila duket se nuk është pranuar nga Petriti”.

Ndërkaq, në orën 19:20 në Prokurorinë e Krimeve të Rënda do të paraqitet bashkëshortja e Kryetarit të Kuvendit, deputetja Monika Kryemadhi. Doshi ka deklaruar se Kryemadhi e ka njohur Tonin e Kombinatit (Fatjon Skënderi).

a.k