Dokumenti i pavarësisë iu sekuestrua nga policia jugosllave Qazim Bej Vlorës në Strugë, pasi vdiq në vetmi, i përzënë nga qeveria e Tiranës

Gazeta Shqiptare prej ditësh po hedh dritë mbi fatin e familjes që Ismail Qemalit, duke sjellë intervista të familjarëve.

Një ndër informacionet e sjella është dhe fakti që pas vdekjes, policia e Strugës ka sekuestruar mes të tjerash edhe dokumentin origjinal të pavarësisë që ai e mbante me vete. Qazim Bej Vlora vdiq i ri, në moshën 60 vjeçare, pikërisht në dhjetor të vitit 1953, kur atdheu i tij, Shqipëria që nuk e kishte lejuar që të jetonte në Tiranë, kishte vetëm pak ditë që kuishte festuar me madhështi ekstreme përvjetorin e 41-të të shpalljes së Pavarësisë kombëtare.

I biri i Ismail Qemalit, sipas rrëfimeve të familjarëve, mbylli sytë në Strugë në vetmi të plotë e larg së shoqes të cilën nuk e lanë ta takonte. Ajo, kur u mbyllën kufinjtë me ish-Jugosllavinë më 1949 kishte mbetur e izoluar brenda Shqipërisë.

Thuhet që në momentin e vdekjes i biri i Ismail Qemalit posedonte një bibliotekë tepër të pasur, por më e rëndësishmja, në të ishin dhe dokumente origjinale të çështjes shqiptare, të cilat pasi vdiq i vetmuar, u sekuestruan nga pushteti lokal e policia e Strugës.

I trishtueshëm është fakti që në Shqipëri nuk u dha asnjëfarë njoftimi për vdekjen e tij.

Ne.Su.