Disa të urdhëruar e të blerë, disa naivë e të matufjepsur, - thotë Artan Lame për diplomatët e huaj në Tiranë

Tashmë greva e urisë e të uriturve të dikurshëm po harrohet. Lajmi i fundit që kemi prej saj, ishte kur gazetat shkruan për Bashkinë që nuk shkonte as të pastronte leckat e lëna pas nga grevistët, - shkruan Artan Lame në editorialin e tij në të përditshmen SHQIP, ku ndër të tjera bën një "kategorizim" të diplomatëve të huaj në Tiranë sipas qasjes së tyre ndaj Sali Berishës.

Shkruan Lame: "Më pëlqen t’i ndaj diplomatët e huaj në dy kategori. Të parët janë ata që e dinë se kush është Saliu, por s’kanë ç’bëjnë, o marrin urdhër nga qendra e tyre ta lyejnë me bojë, o i ka blerë dhe i shkojnë pas avazit. Kategoria e dytë, është ajo e diplomatëve naivë a të matufepsur – sipas rastit – deri në atë pikë sa vërtet besojnë se Saliu mund të ndryshojë a mund të ndreqet. Ka edhe një kategori të tretë, që i përmbledh bashkë të dy kategoritë e para, por vetëm pasi mbarojnë misionin e ikin nga Shqipëria. Se, kur ikin nga Shqipëria, gati të gjithë diplomatët e huaj s’lënë gjë pa thënë për Berishën, por sa pará bën...Që të kthehemi tek ato dy kategoritë e para. Tani, pas grevës së urisë, të gjithë e panë se ç’u bën Saliu atyre që i zënë rrugën, se as që dëgjoi për asnjë prej thirrjeve edhe direkte që ju bënë për t’u ulur e folur me shtetasit e vet, se si e komandon gjykatën me celular dhe Presidentin vetëm me një të ngrysur të vetullave. Se deri ku mund të ulet, aq sa të çojë natën ca harbutë me uniformë policie për t’u hequr edhe ujin e ilaçet ca pleqve të drobitur.." A.N.

Lame i plotë:
http://www.top-channel.tv/artikull.php?id=245210