Disa detaje mbi filmin amator “Pafajësia e myslimanëve”

Ka kushtuar vetëm 5 milionë dollarë – një shumë e vogël për filma të metrazhit të gjatë. Megjithatë, “Pafajësia e myslimanëve”, një film amator që tall Islamin dhe profetin Muhamed, ka shkaktuar protesta të furishme anti-amerikane që morën jetën e katër zyrtarëve të lartë amerikanë. Zymtësia e ngjarjes risjell në qendër të vëmendjes atë se si format e kulturës perëndimore mund të provokojnë pakënaqësi të rrezikshme tek arabët, ku ndjenjat antiamerikane mbeten të forta.

Myslimanët kundërshtojnë çdo përshkrim fizik të Profetit. “Pafajësia e myslimanëve”, jo vetëm që paraqet Muhamedin në formë njerëzore, por e përshkuan atë edhe si gjysmë budalla dhe të dhënë pas grave. Në një skenë, Muhamedi lutet për të pasur marrëdhënie intime me gruan e një burri tjetër. Zemërimi me filmin ka bërë që regjisori, i cili sipas disa mediave është një amerikan me prejardhje izraelite, e sipas të tjerave është një egjiptian koptik (minoritet të krishterësh në Egjipt) të fshihet. "Regjisori 56-vjeçar, Sam Bacile, ka thënë se ka përdorur kontributet e më shumë se 100 donatorëve hebrenj për të financuar filmin. Më herët, ai ka thënë se Islami është “kancer”, - raporton radio amerikane "Europa e Lirë".

Filmi dyorësh thuhet të jetë shfaqur vetëm një herë në një teatër të Hollivudit, në fillim të këtij viti. Ai ka gjetur mbështetjen e Teri Xhonsit, një predikuesi në Flordia, i cili është bërë i njohur në vitin 2010 me kërcënimet e tij për djegien publike të Kuranit. Një skenë paraqet grabitësit myslimanë duke shkatërruar shtëpitë e besimtarëve të krishterë, ndërsa forcat lokale të sigurisë rrinë mënjanë.
- Kapiteni i sigurisë: “Mos ndërmerrni asnjë veprim derisa të mbarojë çdo gjë”.
- Grabitësi: “Vini zjarrin! Do t’i djegim këta të krishterë të braktisur.”

Disa skena të filmit janë postuar në faqen e internetit YouTube:
http://www.youtube.com/watch?feature=player_embedded&v=4sQPR...!

Foto: Pas ngjarjeve në Libi, sot është sulmuar edhe ambasada amerikane në Jemen (Më shumë: http://www.huffingtonpost.com/2012/09/13/yemen-protests-us-e...)